Aqtóbe oblysy Oiyl aýdanynda sý tasqyny qaýpi týyndaǵan aýyldyń turǵyndary evakýatsiialandy, dep habarlaidy QazAqparat.
6 sáýir kúni saǵat 23.40-ta Aqtóbe oblysy, Oiyl aýdanyndaǵy Oiyl ózenindegi sý deńgeiiniń kóterilgeni jáne Ekpetal aýylyn sý basý qaýpi týyndaǵany týraly habarlama kelip tústi.
Oqiǵa ornynan 205 adamdy, onyń ishinde 104 bala men 101 áieldi Ekpetal aýylynan 7 shaqyrym jerdegi Oiyl aýylyna kóshirý týraly sheshim qabyldandy.
Sondai-aq, 236 iri qara maly, 453 usaq mal, 28 qus qaýipsiz jerge shyǵaryldy.
Aldyn alý sharalaryn qabyldaý úshin Ekpetal aýylynda 50 er adam jáne politsiia qyzmetkerleri qalyp otyr.
Aýdandyq TJ bólimi qyzmettiń kúsheitilgen rejimine aýysyp, oblys ortalyǵynan 26 adam jáne 5 tehnika keldi.
Qosymsha JAO-dan 15 qyzmetker jáne 7 tehnika jumys istep jatyr.
Qazirgi ýaqytta Ekpetal aýylynda ózen jaǵasyn nyǵaitý jumysy júrgizilýde.
Qaýip joq. Jaǵdaidy baqylaý úshin oblystyq TJ departamenti bastyǵy polkovnik Marǵulan Amanbaev jáne TJ aldyn alý basqarmasynyń bastyǵy Qumar Turmaǵambetov oqiǵa ornyna kelip, aýdan basshysy Asqar Qaiyrǵaliulymen birge sý deńgeiin tekserdi.
Odan ári evakýatsiialanǵan turǵyndardyń jaǵdaiymen tanysty.
