Foto: hightech.fm
4 maýsymda Májilistiń jalpy otyrysynda depýtat Ashat Aimaǵambetov baiandama jasap, onda arzan, biraq naýqastarǵa qajet dáriler tirkeýden ótpei qalatynyn aitty, dep habarlaidy Ult.kz.
"Dárini tirkeý úshin, óte kúrdeli biýrokratiialyq rásimderden ótý kerek. Árine mundai qiyndyqtardan ótý, tek alpaýyt farmatsevtikalyq kompaniialar jáne qymbat preparattar úshin múmkin. Nátijesinde, arzan, biraq naýqastar úshin aýadai qajet dáriler tirkelmei qalady. Óitkeni ol úshin júgiretin ynta da joq, qyzyǵýshylyq ta joq", - deidi depýtat.
AshatAimaǵambetov oǵan mysal keltirip, arzan dáriler Qazaqstanda tirkelmegendikten dárigerler antibiotikterdi taǵaiyndaýǵa májbúr ekenin jetkizdi.
"Mysaly, Qazaqstanda penitsillinniń ishetin túri tirkelmegen dep farmakologter aitýda. Nege? Óitkeni ol tym arzan, eshkim ótinim bermeidi jáne eshqandai qyzyǵýshylyq joq deidi ekspertter. Osynyń kesirinen, dárigerler birden keń aýqymdy antibiotikterdi taǵaiyndaýǵa májbúr deidi dárigerler", - deidi ol.
Depýtattyń sózinshe dál osyndai jaǵdai, kóptegen bazalyq dáriler boiynsha qaitalanady: olar tizimde joq, sondyqtan biz olardy qoldanyp, emdele almaimyz. Olar arzandylyǵyna bailanysty indýstriiaǵa da qyzyq emes.
Aita keteiik, búging Májilistiń jalpy otyrysynda «Qazaqstan Respýblikasy Densaýlyq saqtaý ministrliginiń, onyń vedomstvolyq baǵynysty uiymdarynyń halyqty jáne densaýlyq saqtaý obektilerin dárilik zattarmen jáne meditsinalyq maqsattaǵy buiymdarmen qamtamasyz etý boiynsha qyzmetiniń tiimdiligine aýdit júrgizý» taqyrybyndaǵy Qazaqstan Respýblikasy Joǵary aýditorlyq palatasy Tóraǵasynyń esebi jóninde ótti.
