Qazaqstandyq ánshi Tóreǵali Tóreáli 34 jasqa toldy. Óner iesi týǵan kúnin jaqyndarynyń ortasynda atap ótti, dep habarlaidy ult.kz.

Áleýmettik jelide týǵan kúnnen videolar tarady. Týǵan kúnge ánshiniń ata-anasy, qaiyn jurty men baýyrlary, balalary qatysqan. 

Ónerdegi áriptesteri kórinbedi. Týǵan kún erekshe formatta ótken. Toiǵa kelgen ár qonaq Tóreǵali Tóreáliniń bir ánin oryndaýy kerek bolǵan. 
Sonymen qatar, ánshiniń jary Tolqynnyń ata-anasy kúieýbalasyna iPhone 18 Pro Max smartfonyn tabystady. 

Aita keteiik, Tóreǵali Tóreáliniń otbasynda kópten kútken qýanysh boldy. 

Tóreǵali Tóreáli kim?

Tóreǵali Tóreáli – qazaqstandyq ánshi, aitysker aqyn. Ol 1992 jyly 14 qazanda Qyzylorda oblysynyń Baiqońyr qalasynda dúniege kelgen. Kópshilikke «Uly dala balasy» degen atpen tanylǵan óner iesi 2026 jyly 34 jasqa toldy. 

Óner jolyn aitystan bastaǵan Tóreǵali keiin estradaǵa bet burdy. Onyń «Otandy súiý – imannan», «Izdeme» ánderi tyńdarmanǵa tanys. Al Erke Esmahanmen birge oryndaǵan «Allo» dýeti ánshiniń tanymaldyǵyn arttyrdy. Repertýarynda mahabbat, týǵan jer jáne otbasy taqyrybyndaǵy týyndylar bar.