Halyqaralyq ister, qorǵanys jáne qaýipsizdik komitetiniń tóraǵasy Muhtar Erman reseilik depýtattar - Viacheslav Nikonov pen Evgenii Fiodorovtyń málimdemesine qatysty pikir bildirdi. Bul týraly Májilistiń baspasóz qyzmeti habarlady.
«12 jeltoqsanda Qazaqstan Respýblikasy Syrtqy ister ministrligi Resei Federatsiiasy Memlekettik Dýmasynyń «Edinaia Rossiia» partiiasynan shyqqan depýtaty, sondaǵy Bilim jáne ǵylym komitetiniń tóraǵasy Viacheslav Nikonovtyń Birinshi arna arqyly efirge shyqqan málimdemesine bailanysty resmi túrde óz ustanymyn bildirdi. Alaida reseilik taraptyń eshqandai resmi reaktsiiasy men oǵan bergen baǵasy jariialanǵan joq. V.Nikonovtyń ózi «baýyrlas Qazaqstanǵa degen eń izgi sezimin» bildire otyryp, «... Qazaqstan Respýblikasynyń shekarasyna ainalǵan Qazaq KSR-niń shekarasy aiqyndalǵanda Qazaqstannyń múddeleri tolyǵymen eskerilgenin...» jazyp, óz málimdemesin túzegendei keiip tanytty», - deidi Muhtar Erman.
Depýtattyń aitýynsha reseilik buqaralyq aqparat quraldary men áleýmettik jelilerinde «otqa mai quiatyn» arandatýshy málimdemeler tarap jatyr. Atap aitqanda, Memlekettik dýmanyń depýtaty Evgenii Fedorov depýtattyq korpýstaǵy áriptesiniń sózin qoldap, «...Qazaqstannyń qazirgi aýmaǵy Reseiden jalǵa alynǵanyn ...» atap ótip, odan aryǵa ketti. Buǵan álbette Qazaqstan azamattary narazylyǵyn bildirip, áleýmettik jelilerde «qatal qaqtyǵystar» týyndap jatyr.
«Osyǵan bailanysty ózimniń jáne ózimniń áriptesterim, Májilis depýtattarynyń atynan reseilik saiasatkerlerdiń Qazaqstanǵa qarsy arandatýshy shabýyldarynyń dostyq sipaty joqtyǵyn jáne bul jaǵdai qazaq pen orys halyqtarynyń arasynda qalyptasqan tatý kórshilik jáne odaqtastyq qatynastarǵa eleýli ziian keltiretinin aitqym keledi. Osy turǵyda men depýtat E.Fedorovtyń esine myna jaidy salǵym keledi: búgingi tańda Qazaqstan men Reseidi strategiialyq seriktestik, Máńgilik dostyq pen odaqtastyq sharty, delimitatsiialanǵan jáne belgilenýi aiaqtalýǵa jaqyn jeti jarym myń shaqyrymnan astam memlekettik shekara bailanystyrady. Oiǵa syimaityn jáne orynsyz málimdemelerdi jasamai turyp, osy jaǵdaidyń bári de eskerilýi kerek», - deidi ol.
Muhtar Erman mundai málimdemelerdiń Memlekettik dýma depýtattarynyń, kópultty memlekettiń halyq qalaýlylarynyń aýzynan shyǵyp jatqanyna ókinishin bildirdi.
«Biz parlamenttik qyzmetimizde bireýdi qorlap, arandatyp, mundai málimdemelerge jol bermeýimiz kerek. Dostyǵymyzdy qasterlep, baǵalaýymyz kerek. Biz Reseidegi parlamenttik korpýstyń basym kópshiligi osy pozitsiiany ustanbaitynyna, qazaqstandyq-reseilik qatynastardy odan ári nyǵaitýǵa múddeli ekenine senimdimiz. «Haip» ańshylarnyyń mundai ultaralyq jáne aýmaqtq taqyryptaǵy demarshtary bizdiń júzdegen jyldar boiy dostyǵymyzdyń irgesin bekitgen milliondaǵan qazaq pen orystyń namysyna tiedi.
Osyǵan bailanysty biz Resei Federatsiiasynyń Memlekettik dýmasynyń buǵan qatysty tiisti baǵasyn kútemiz. Eki eldiń zań shyǵarýshy organdary arasyndaǵy senimdi qarym-qatynasty saqtaý úshin biz reseilik áriptesterimizdi budan ári Resei Federatsiiasynyń memleket qairatkerleriniń osyndai sipattaǵy málimdemelerine jol bermeitin sharalar qabyldaýǵa shaqyramyz», - dedi Muhtar Erman.
Eske sala ketsek 12 jeltoqsanda osy málimdemelerge bailanysty Qazaqstan Respýblikasynyń Syrtqy ister ministrligine Resei Federatsiiasynyń Ýaqytsha senimdi ókili Aleksandr Komarov shaqyrylǵan bolatyn. Kezdesý barysynda Syrtqy ister ministriniń orynbasary Marat Syzdyqov Resei Federatsiiasy Memlekettik Dýmasynyń Bilim jáne ǵylym jónindegi komitetiniń tóraǵasy Viacheslav Nikonovtyń Birinshi arnadaǵy «Qazaqstan aýmaǵy - Resei tarapynan úlken syilyq» degen sózine qatysty túsinispeýshilik bildirdi. Keibir reseilik saiasatkerlerdiń Qazaqstanǵa qatysty arandatýshylyq áreketteriniń jiilep ketýi memleketterimiz arasyndaǵy odaqtastyq qatynastarǵa aitarlyqtai nuqsan keltiretini atap ótildi.
Al senator Muhtar Qul-Muhammed «Bul – milliondaǵan qazaq pen orystyń tarihi tanymyn qorlaý» ekenin jetkizgen bolatyn.
