Gerbtiń qulaýy, esiktiń túsýi - jai ǵana kezdeisoqtyq emes. Kózboiashylyqtyń, sapasyzdyqtyń, jemqorlyqtyń nátijesi. Oblystyń eń laýazymdy tulǵalarynyń aldynda osylai qirap jatsa, basqa jaqta ne bolyp jatqanyn bir Qudaidyń ózi biledi.
Bes balanyń ólimi taǵdyrdyń isi deimiz. Biraq halyqty durys jumyspen qamtamasyz etý, olardyń oqyp-bilýlerine barynsha jaǵdai jasaý, elge baǵyt-baǵdar berip, jan-jaqty jetildirý, sapaly ult qalyptastyrý memlekettiń jaýapkershiligindegi dúnie.
Jalpy otyz jyl az ýaqyt emes. Ekonomika joq. Jasandysynyń ózi quldilap qulady. Demografiialyq ósim de, ulttyq ideologiia da joq. Tilimizdiń esikten syǵalaǵan siqy anaý. Táýelsiz sot júiesi bolǵan emes. Saiasi durys júie jasalmady. Júie bir kisige bailanǵan. Memlekettiń bar bailyǵy tonalǵan. Jemqorlyq bar salany jailaǵan. Kedei halyqtyń sany kún sanap artýda. Qymbatshylyq qysyp barady. Dinniń ózi saiasilanyp, áldebir mekemelerdiń qýyrshaǵyna ainaldy. Oi aityp, «qoi» deitin ziialy qaýym jaǵympazdyqpen jarysyp, madaq-marapattyń sońynda júr. Sonda otyz jyldy qalai atap ótýimiz kerek ózi?
Marqum Altynbek Sársenbaiulynyń: «zaýytty, qalany qaryzdanyp bolsa da salýǵa bolady. Biraq qandai qoǵam, nendei júie qalyptastyrdyń? Jetistik osymen ólshenýi kerek», degen sózi oryndy aitylǵan aqiqat sóz!
Qairat Joldybaiulynyń feisbýktaǵy jazbasy
