Astanada qoǵamdyq orynda pirotehnikalyq buiymdardy zańsyz paidalanǵan 19 jastaǵy jigit ákimshilik jaýapkershilikke tartyldy, dep habarlaidy ult.kz.
Polisia.kz málimetinshe, oqiǵa elordadaǵy "Triatlon" saiabaǵynda bolǵan. Politsiianyń málimetinshe, jas jigit dosynyń týǵan kúnin erekshe atap ótýdi kózdep, saiabaq aýmaǵynda otshashý atqan.
Alaida onyń bul áreketi qoǵamdyq tártipti buzý retinde baǵalanyp, sot sheshimimen quqyq buzýshy 5 táýlikke ákimshilik qamaýǵa alyndy.
Politsiia qoǵamdyq oryndarda pirotehnikalyq buiymdardy belgilengen talaptardy saqtamai qoldaný azamattardyń qaýipsizdigine qaýip tóndirip, turǵyndardyń tynyshtyǵyn buzýy múmkin ekenin eske saldy.
Tártip saqshylary merekelik is-sharalardy ótkizý kezinde zań talaptaryn saqtaýǵa jáne qoǵamdyq tártipti buzbaýǵa shaqyrdy.
