استانادا قوعامدىق ورىندا پيروتەحنيكالىق بۇيىمداردى زاڭسىز پايدالانعان 19 جاستاعى جٸگٸت ەكٸمشٸلٸك جاۋاپكەرشٸلٸككە تارتىلدى, دەپ حابارلايدى ult.kz.
Polisia.kz مەلٸمەتٸنشە, وقيعا ەلورداداعى "ترياتلون" ساياباعىندا بولعان. پوليتسييانىڭ مەلٸمەتٸنشە, جاس جٸگٸت دوسىنىڭ تۋعان كٷنٸن ەرەكشە اتاپ ٶتۋدٸ كٶزدەپ, ساياباق اۋماعىندا وتشاشۋ اتقان.
الايدا ونىڭ بۇل ەرەكەتٸ قوعامدىق تەرتٸپتٸ بۇزۋ رەتٸندە باعالانىپ, سوت شەشٸمٸمەن قۇقىق بۇزۋشى 5 تەۋلٸككە ەكٸمشٸلٸك قاماۋعا الىندى.
پوليتسييا قوعامدىق ورىنداردا پيروتەحنيكالىق بۇيىمداردى بەلگٸلەنگەن تالاپتاردى ساقتاماي قولدانۋ ازاماتتاردىڭ قاۋٸپسٸزدٸگٸنە قاۋٸپ تٶندٸرٸپ, تۇرعىنداردىڭ تىنىشتىعىن بۇزۋى مٷمكٸن ەكەنٸن ەسكە سالدى.
تەرتٸپ ساقشىلارى مەرەكەلٸك ٸس-شارالاردى ٶتكٸزۋ كەزٸندە زاڭ تالاپتارىن ساقتاۋعا جەنە قوعامدىق تەرتٸپتٸ بۇزباۋعا شاقىردى.
