Ótken jyly Memlekettik múlik jáne jekeshelendirý departamentterine 245 syilyq tapsyryldy. Onyń 18-i 159 937 teńgege satyldy, dep habarlaidy "Ult aqparat" Qarjy ministrligine silteme jasap.
Memlekettik zańdy tulǵalardyń teńgeriminde baǵalaý quny 967 971 teńgeni quraityn 30 birlik bekitilgen, 12 birlik joiyldy.
2020 jyly tirkelgen eń qymbat syilyq - Iphone 12 Pro uialy telefony (2020 jyldyń jeltoqsanynda esepke alyndy). Ol 617 991 teńgege baǵalandy.
Eń tómengi baǵalaý quny - 800 teńge - aq tústi plastikalyq gúlder jáne «Dream» markaly shokolad.
Syilyqtardy satý kezinde: «Tom Ford» Lost cherry EAU Parfum iis sýy aýktsion arqyly 59 467 teńgege (baǵalaý quny 118 934 teńge), iaǵni eń joǵary somaǵa satyldy, eń kishisi - «Dream» aq gúlder men shokolad úshin 205 teńge (baǵalaý quny 800 teńge).
Eske sala keteiik, jaýapty memlekettik qyzmetti atqaratyn adamdar óziniń qyzmettik jaǵdaiyna nemese qyzmettik mindetterin oryndaýyna bailanysty resmi is-shara barysynda berilgen syilyqtardy alǵan (tabylǵan) kúnnen bastap 7 kúntizbelik kún ishinde tapsyrýǵa mindetti.
Ony QR QM Memlekettik múlik jáne jekeshelendirý komitetiniń aýmaqtyq bólimshelerine tapsyrady.
