AQSh-tyń Qazaqstandaǵy elshisi Ýiliam Mozer qazaqstandyqtardyń AQSh-qa vizasyz barý múmkindigi jóninde pikir bildirdi, dep habarlaidy QazAqparat tilshisi.
«Vizasyz rejim - biz úshin óte qiyn másele, sebebi bul amerikalyq zańnyń kóptegen talaptaryn qozǵaidy. Mundai talqylaýdy ótkizý úshin Qazaqstan birneshe talapty oryndaýy qajet. Ázirge bul taqyryptyń aýyly alys», - dedi elshi qazaqstandyq jýrnalistermen kezdesýde.
Onyń aitýynsha, 2018 jyly AQSh Qazaqstannyń 20 myń azamatyna 10 jyldyq viza bergen.
