2020 jyly sot oryndaýshylardyń májbúrlep oryndaýynda 5 mln astam atqarýshylyq qujat boldy. Bul týraly QR Ádilet vitse-ministri Almat Madaliev aitty, dep habarlaidy QazAqparat.
«2020 jyly sot oryndaýshylardyń májbúrlep oryndaýynda 5 mln astam atqarýshylyq qujat boldy. Iaǵni, óndirip alýshylardyń paidasyna 7 trln teńge somasynan artatyn atqarýshylyq is júrgizýler qozǵaldy. Atqarýshylyq is qujattardyń oryndalýy 69,9 paiyzdy qurady. Osylaisha, ministrliktiń Strategiialyq josparynyń nysanaly indikatorlaryna qol jetkizýi qamtamasyz etildi», - dedi ol ministrliktiń keńeitilgen alqa otyrysynda.
Onyń aitýynsha, ótken jyldyń kóktem kezinde «Covid-19» koronavirýstyq infektsiiaǵa qatysty engizilgen tótenshe rejimge qaramastan atqarýshylyq is júrgizý baǵyty boiynsha jumys aqaýsyz qamtamasyz etildi. Tótenshe jaǵdai kezinde sot oryndaýshylarǵa infektsiianyń taralýyn boldyrmaý maqsatynda atqarýshylyq is júrgizý taraptarymen qatynasýdy azaityp, úiden shyǵarýǵa, qurylystardy buzýǵa qatysty protsessýaldyq áreketterdi keiinge qaldyrýǵa tapsyrma berildi.
«Osyndai shekteýge qaramastan áleýmettik mańyzdy atqarýshylyq qujattardyń oryndalýy basymdyqta qala berdi. Olardyń oryndalýy atqarýshylyq is júrgizý organdarynyń avtomattandyrylǵan aqparattyq júiesi arqyly atqarýshylyq is-áreketterdi qashyqtyq rejiminde qamtamasyz etildi», - dedi Almat Madaliev.
