Keshe, 24 qarashada Qazaqstanda koronavirýs juqqany arnaiy testpen rastalǵan 720 adam anyqtaldy. Bir kúnde 701 adam jazyldy.
Densaýlyq saqtaý ministrliginiń aqparaty boiynsha, seisenbi kúni eń kóp naýqas Shyǵys Qazaqstan oblysynda (160) tirkelgen. Pavlodar oblysynda - 112, Soltústik Qazaqstan oblysynda - 112, Aqmola oblysynda - 69, Qostanai oblysynda 66 naýqas tabylǵan. Nur-Sultanda - 50, Almaty qalasynda - 43, Batys Qazaqstan oblysynda - 29, Almaty oblysynda - 22, Qaraǵandy oblysynda - 18, Jambyl oblysynda - 14, Atyraý oblysynda - 8, Aqtóbe oblysynda - 6, Túrkistan oblysynda - 5, Shymkent qalasynda - 3, Mańǵystaý oblysynda - 2, Qyzylorda oblysynda 1 adamnan koronavirýs infektsiiasy anyqtalǵan.
Naýryz aiynan beri koronavirýs juqqany testpen dáleldengender 127 580 adamǵa jetti: 114 myńnan astamy jazylǵan, 1996-y qaitys bolǵan.
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 41 223 adamǵa koronavirýs pnevmoniiasy diagnozy qoiylǵan, 428 adam qaitys bolǵan, 30 myńnan astamy jazylǵan.
Sondai-aq, koronavirýs infektsiiasymen aýyryp, emdelip jatqandarǵa qatysty aqparat jariialandy.
«Qazirgi ýaqytta koronavirýs infektsiiasynan 11 232 adam em qabyldaýdy jalǵastyrýda. Olardyń arasynda 672 bala bar. Statsionarlarda 3 200 naýqas jatyr. 8 032 adam ambýlatoriiada emdelip júr.
Jalpy naýqastardyń arasynda 203 adamnyń jaǵdaiy nashar. Sonyń ishinde 28 naýqastyń jaǵdaiy óteý aýyr. 30 naýqas ókpeni jasandy jeldetý apparatynda jatyr», delingen habarlamada.
