14 qańtar kúni virýs PTR testimen rastalǵan naýqastardyń 835 adamǵa, koronavirýs pnevmoniiasyna shaldyqqandardyń 76 adamǵa artqany málim boldy. PTR testimen rastalǵan naýqastar arasynda 6 adamnyń, koronavirýs pnevmoniiasyna shaldyqqandar arasynda 1 adamnyń qaitys bolǵany anyqtaldy. Densaýlyq saqtaý ministrliginiń 15 qańtar tańerteń habarlamasynda osyndai málimet kórsetilgen.
Ótken táýlikte eldegi eń iri qala Almaty qalasynda 131 adamnan koronavirýs anyqtalǵan. Bul respýblika boiynsha táýliktik eń joǵary kórsetkish. Atyraý oblysynda - 85, Pavlodar oblysynda - 75, Nur-Sultanda - 74, Qostanai oblysynda - 73, Almaty oblysynda - 69, Aqmola oblysynda - 68, Qaraǵandy oblysynda - 42, Shyǵys Qazaqstan oblysynda - 41, Batys Qazaqstan oblysynda - 41, Soltústik Qazaqstan oblysynda - 50, Shymkent qalasynda - 25, Túrkistan oblysynda 21 adamnan koronavirýs infektsiiasy anyqtalǵan. Qalǵan oblystar men qalalarda bir kúnde anyqtalǵan naýqastar jiyrmaǵa jetpeidi.
Naýryz aiynan beri koronavirýs juqqany testpen rastalǵan naýqastar 166 146 adamǵa jetken.
Qazaqstan biligi 1 tamyzdan beri pnevmoniianyń koronavirýsqa uqsas túrine jeke kod berip, bólek eseptep keledi. Oǵan deiin qansha adamnyń koronavirýs pnevmoniiasyna shaldyqqany belgisiz. Densaýlyq saqtaý ministrligi 1 tamyzǵa deiin pnevmoniianyń birneshe túrin birge eseptegenin aitady. 6 aiǵa jýyq ýaqyt ishinde 46 666 adam koronavirýs pnevmoniiasyna shaldyqqan. 533 adam qaitys bolǵan. 34 myńnan astam adam jazylǵan.
15 qańtardaǵy málimet boiynsha, 23 734 adam koronovirýs infektsiiasynan (11 922 KVI+ jáne 11 812 KVI-) emdelýde, olardyń ishinde 6 142 patsient statsionarda, 17 592 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 285 adamnyń jaǵdaiy aýyr;
- 76 patsienttiń jaǵdaiy óte aýyr;
- 47 naýqas ókpeni jasandy jeldetý apparatyna qosylǵan.
