27 qańtarda Qazaqstanda PTR testi oń shyqqan taǵy 1 413 adam tirkeldi. 83 adamǵa koronavirýs pnevmoniiasy diagnozy qoiylǵan. Densaýlyq saqtaý ministrliginiń 28 qańtar kúngi habarlamasynda osyndai málimet kórsetilgen. Sársenbi kúni 16 adamnyń qaitys bolǵany habarlandy: 11 adam - koronavirýstan, 5 adam koronavirýs pnevmoniiasynan qaitys bolǵan.
Resmi málimet boiynsha, Qazaqstanda naýryz aiynan beri koronavirýs juqtyrǵandar 182 530 adamǵa jetti. 164 319-y jazylǵan. Ótken táýlikte 1 163 adam aiyqqan. 2020 jyldyń naýryz aiynan beri 2 521 adam qaitys bolǵan.
Qazaqstan biligi 2020 jyldyń 1 tamyzynan beri pnevmoniianyń koronavirýsqa uqsas túrine jeke kod berip, bólek eseptep keledi. Sodan beri 47 658 adamnan koronavirýs pnevmoniiasy anyqtalǵan. 564 adam qaitys bolǵan. 35 436 adam jazylǵan.
Ótken táýlikte Pavlodar oblysy (219) men Aqmola oblysynda (213) PTR testi oń shyqqan 200-den astam adam tirkelgen.
Almatyda - 139, Nur-Sultanda - 147, Shyǵys Qazaqstan oblysynda – 53, Atyraý oblysynda – 70, Qaraǵandy oblysynda – 78, Batys Qazaqstan oblysynda - 95, Soltústik Qazaqstan oblysynda – 108, Qostanai oblysynda - 141, Almaty oblysynda - 64, Shymkent qalasynda - 10, Jambyl oblysynda - 23, Túrkistan oblysynda - 10, Mańǵystaý oblysynda - 10, Aqtóbe oblysynda - 6, Qyzylorda oblysynda 11 adamnan koronavirýs anyqtalǵan.
28 qańtardaǵy málimet boiynsha, 27 348 adam koronavirýs infektsiiasynan (15 690 KVI+ jáne 11 658 KVI-) emdelip jatyr.
Onyń ishinde 6 525 patsient statsionarda, 20 823 naýqas ambýlatoriialyq deńgeide em qabyldaýda.
COVID-19 shaldyqqandar arasynda:
• 274 adamnyń jaǵdaiy aýyr;
• 47 patsienttiń jaǵdaiy óte aýyr;
• 34 naýqas ÓJJ apparatynda jatyr.
Djons Hopkins ýniversitetiniń málimeti boiynsha, álemde koronavirýs juqtyrǵandar 100 mln 746 myńnan asty. 55,6 mln adam jazylǵan. 2 mln 170 myń naýqas qaitys bolǵan.
