Ótken sailaý elimiz úshin damýdyń jańa paraǵyn ashty. bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Quramy jańǵyrǵan jańa Májilistiń qyzmetke kirisýi elimiz úshin simvoldyq máni bar eki oqiǵamen túspa-tus keledi. Biz qasterli Táýelsizdigimizdiń 30 jyldyq mereili belesine qadam bastyq. Sondai-aq qazirgi zamanǵy Qazaqstan parlamentarizmi shirek ǵasyrlyq beleske jetti. Osy tarihi kezeńde senim mandatyna ie bolǵan depýtattar el úmitin aqtap, otanymyzǵa adal qyzmet etti dep kámil senemin», - dedi Memleket basshysy.
QR Prezidenti ótken sailaý elimiz úshin damýdyń jańa paraǵyn ashqanyn basa aitty.
«Osy mańyzdy oqiǵa memlekettigimizdiń tuǵyry biik ekenin taǵy bir márte dáleldedi. Qazaqstan qoǵamynyń joǵary saiasi mádenietin jáne azamattyq kemeldigin tanytty. Barlyq óńirdegi daýys berý nátijesi memlekettiń strategiiialyq baǵytyn halyq jappai qoldaityndyǵyn baiqatty. Biz bolashaqqa senimmen bet alý úshin qajetti alǵysharttardy birge jasadyq. Saiasi ustanymdarymyz ártúrli bolsa da mindetimiz bir. Bárimizdiń ortaq maqsatymyz - Qazaqstandy qýatty elge ainaldyrý», - dedi Qasym-Jomart Toqaev.
