«Otbasy banki» AQ basqarma tóraǵasy Lázzat Ibragimova turǵyndarynyń zeinetaqy jinaǵy eń kóp 4 óńirdi atady, dep habarlaidy "Ult aqparat".
«658 mlrd teńge. Almaty qalasyndaǵy salymshylar (zeinetaqynyń bir bóligin paidalana alatyn azamattardyń jalpy jinaǵy) jinaǵan zeinetaqy qory osyndai. Bul – jalpy qordyń 26,8 paiyzdyq úlesi. Iaǵni árbir úshinshi almatylyq. Almatyda qarjy, bank, saqtandyrý salasynda eńbek etetin mamandar kóp ári olar árdaiym joǵary ailyq alady. Olar árdaimy resmi aýdarym arqyly zeinetaqy qoryna salym aýdaryp keledi. Ekinshi orynda – Mańǵystaý oblysy. Ol óńirdiń halqynyń zeinetaqy qoryndaǵy jalpy jinaǵy 397 mlrd teńge. Biz jariialaǵan baǵdarlamaǵa qatysatyn azamattar osyndai soma jinaǵan. Bul – jalpy respýblikanyń 16,2 paiyzy. Úshinshi orynda – Nur-Sultan qalasy. Elordada baǵdarlamaǵa qatysa alatyn azamattardyń jalpy zeinetaqy jinaǵy 325,9 mlrd teńge (13,3 paiyz). Tórtinshi orynda – Atyraý oblysy (257,4 mlrd teńge) – 10,4 paiyz. Osy tórt óńirdiń halqy zeinetaqy jinaǵyn paidalana alatyn azamattardyń 70 paiyzdan astamyn qurap otyr», - dedi Lázzat Ibragimova Ortalyq kommýnikatsiialar qyzmetinde ótken baspasóz máslihatynda.
Onyń aitýynsha bul reitingide Aqmola, Túrkistan, SQO oblystary eń sońynda tur.
