«وتباسى بانكٸ» اق باسقارما تٶراعاسى لەززات يبراگيموۆا تۇرعىندارىنىڭ زەينەتاقى جيناعى ەڭ كٶپ 4 ٶڭٸردٸ اتادى, دەپ حابارلايدى "ۇلت اقپارات".
«658 ملرد تەڭگە. الماتى قالاسىنداعى سالىمشىلار (زەينەتاقىنىڭ بٸر بٶلٸگٸن پايدالانا الاتىن ازاماتتاردىڭ جالپى جيناعى) جيناعان زەينەتاقى قورى وسىنداي. بۇل – جالپى قوردىڭ 26,8 پايىزدىق ٷلەسٸ. ياعني ەربٸر ٷشٸنشٸ الماتىلىق. الماتىدا قارجى, بانك, ساقتاندىرۋ سالاسىندا ەڭبەك ەتەتٸن ماماندار كٶپ ەرٸ ولار ەردايىم جوعارى ايلىق الادى. ولار ەردايمى رەسمي اۋدارىم ارقىلى زەينەتاقى قورىنا سالىم اۋدارىپ كەلەدٸ. ەكٸنشٸ ورىندا – ماڭعىستاۋ وبلىسى. ول ٶڭٸردٸڭ حالقىنىڭ زەينەتاقى قورىنداعى جالپى جيناعى 397 ملرد تەڭگە. بٸز جارييالاعان باعدارلاماعا قاتىساتىن ازاماتتار وسىنداي سوما جيناعان. بۇل – جالپى رەسپۋبليكانىڭ 16,2 پايىزى. ٷشٸنشٸ ورىندا – نۇر-سۇلتان قالاسى. ەلوردادا باعدارلاماعا قاتىسا الاتىن ازاماتتاردىڭ جالپى زەينەتاقى جيناعى 325,9 ملرد تەڭگە (13,3 پايىز). تٶرتٸنشٸ ورىندا – اتىراۋ وبلىسى (257,4 ملرد تەڭگە) – 10,4 پايىز. وسى تٶرت ٶڭٸردٸڭ حالقى زەينەتاقى جيناعىن پايدالانا الاتىن ازاماتتاردىڭ 70 پايىزدان استامىن قۇراپ وتىر», - دەدٸ لەززات يبراگيموۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا بۇل رەيتينگٸدە اقمولا, تٷركٸستان, سقو وبلىستارى ەڭ سوڭىندا تۇر.
