«Otbasy banki» AQ basqarma tóraǵasy Lázzat Ibragimova zeinetaqynyń bir bóligin alýǵa ótinim qabyldanatyn naqty merzimdi atady, dep habarlaidy "Ult aqparat".
«Biz baǵdarlamanyń bastalýyn taǵatsyzdana kútip otyrmyz. Erteń saǵat 09.00-de, iaǵni jumys bolmaityn senbi kúni ótinimdi qabyldai bastaimyz. Biz demalys kúnin arnaiy tańdap aldyq. Ýaqyttyń adamdardyń bári de ótinim bere alatyndai yńǵaily bolýyn kózdedik», - dedi Lázzat Ibragimova Ortalyq kommýnikatsiialar qyzmetiniń alańynda ótken baspasóz máslihatynda.
Onyń aitýynsha, azamattar zeinetaqynyń bir bóligin kez kelgen úidi satyp alýǵa jumsai alady. Iaǵni ekinshi naryqtaǵy baspanany da, jańa úidi de satyp alý úshin ol somany paidalanýǵa bolady.
«Bul jaǵynan eshqandai shekteý joq», - dedi Lázzat Ibragimova.
