Úkimet otyrysynda prezident tapsyrmasy boiynsha qolǵa alynatyn jańa ipotekaǵa qatysty negizgi málimetter aityldy, dep habarlaidy "Ult aqparat".
Azamattardyń baspanaly bolýyn qamtamasyz etý boiynsha qoiylǵan mindetterdi sheshý úshin Úkimet kezekte turǵandar, onyń ishinde halyqtyń áleýmettik osal sanattary úshin satyp alý quqyǵymen jalǵa beriletin turǵyn úi kólemin 4 ese ulǵaitýdy josparlap otyr.
"Ol úshin qosymsha 272 milliard teńge bólinedi. Memleket basshysynyń tapsyrmasy boiynsha Otbasy bank 300 milliard teńge somasyna ipotekalyq qaryzdar beretin jańa baǵdarlamany iske qosady. Jańa baǵdarlamaǵa jumys isteitin jastar, jas otbasylar, turǵyn úi tólemderin alýshylar, bank salymshylary, monoqalalardyń, aýdan ortalyqtary men aýyldyq eldi mekenderdiń turǵyndary, onyń ishinde aqsha jinaý boiynsha mindettemesi joq turǵyn úi kezeginde turǵandar qatysa alady. Birinshi jyly jańa baǵdarlama esebinen qosymsha 12 myń baspanaǵa muqtaj otbasyn úimen qamtamasyz etý josparlanyp otyr", - delingen habarlamada.
Jalpy biyl rekordtyq 18 million sharshy metr turǵyn úi salynady, bul burynǵy josparlanǵan jyldyq kórsetkishten 2,5 million sharshy metrge artyq.
Aita keteiik, buǵan deiin Memleket basshysy Atyraý qalasynda ótken Ulttyq quryltaida jańa turǵyn úi baǵdarlamasyn qolǵa alý kerektigin aitqan edi.
