ٷكٸمەت وتىرىسىندا پرەزيدەنت تاپسىرماسى بويىنشا قولعا الىناتىن جاڭا يپوتەكاعا قاتىستى نەگٸزگٸ مەلٸمەتتەر ايتىلدى, دەپ حابارلايدى "ۇلت اقپارات".
ازاماتتاردىڭ باسپانالى بولۋىن قامتاماسىز ەتۋ بويىنشا قويىلعان مٸندەتتەردٸ شەشۋ ٷشٸن ٷكٸمەت كەزەكتە تۇرعاندار, ونىڭ ٸشٸندە حالىقتىڭ ەلەۋمەتتٸك وسال ساناتتارى ٷشٸن ساتىپ الۋ قۇقىعىمەن جالعا بەرٸلەتٸن تۇرعىن ٷي كٶلەمٸن 4 ەسە ۇلعايتۋدى جوسپارلاپ وتىر.
"ول ٷشٸن قوسىمشا 272 ميلليارد تەڭگە بٶلٸنەدٸ. مەملەكەت باسشىسىنىڭ تاپسىرماسى بويىنشا وتباسى بانك 300 ميلليارد تەڭگە سوماسىنا يپوتەكالىق قارىزدار بەرەتٸن جاڭا باعدارلامانى ٸسكە قوسادى. جاڭا باعدارلاماعا جۇمىس ٸستەيتٸن جاستار, جاس وتباسىلار, تۇرعىن ٷي تٶلەمدەرٸن الۋشىلار, بانك سالىمشىلارى, مونوقالالاردىڭ, اۋدان ورتالىقتارى مەن اۋىلدىق ەلدٸ مەكەندەردٸڭ تۇرعىندارى, ونىڭ ٸشٸندە اقشا جيناۋ بويىنشا مٸندەتتەمەسٸ جوق تۇرعىن ٷي كەزەگٸندە تۇرعاندار قاتىسا الادى. بٸرٸنشٸ جىلى جاڭا باعدارلاما ەسەبٸنەن قوسىمشا 12 مىڭ باسپاناعا مۇقتاج وتباسىن ٷيمەن قامتاماسىز ەتۋ جوسپارلانىپ وتىر", - دەلٸنگەن حابارلامادا.
جالپى بيىل رەكوردتىق 18 ميلليون شارشى مەتر تۇرعىن ٷي سالىنادى, بۇل بۇرىنعى جوسپارلانعان جىلدىق كٶرسەتكٸشتەن 2,5 ميلليون شارشى مەترگە ارتىق.
ايتا كەتەيٸك, بۇعان دەيٸن مەملەكەت باسشىسى اتىراۋ قالاسىندا ٶتكەن ۇلتتىق قۇرىلتايدا جاڭا تۇرعىن ٷي باعدارلاماسىن قولعا الۋ كەرەكتٸگٸن ايتقان ەدٸ.
