Foto: Tengrinews.kz
«Otbasy bank» tóraǵasy Lázzat Ibragimova qol astyndaǵy qyzmetkerlerdiń qansha jalaqy alatynyn aitty, dep habarlaidy QazAqparat agenttigi.
«Otbasy banktiń» ailyq mólsheri, ókinishke qarai, ózge ekinshi deńgeidegi bankterdiń ortasha naryqtyq ailyǵynan tómen. Sondyqtan eńbek naryǵyndaǵy báseke óte kúrdeli. Ásirese, IT salada qiyn. Óziniń mobildik qosymshalaryn damytyp jatqan bankter óte ikemdi saiasat ustanyp otyr. Olar tutas komandalarǵa biýdjet bólip, aqsha bere alady. Biz kvazimemlekettik sektor qyzmetkeri bolǵandyqtan, eńbekke aqy tóleýdiń belgili bir erejesi bar. Bul turǵyda eshqandai jańashyldyqqa bara almaimyz. Bizde tek ai saiynǵy ailyq pen toqsandyq syiaqylar ǵana bar. Sondyqtan básekelesý óte qiyn.
Filialdar boiynsha aitsaq, ortasha ailyq 300 myń teńgeden bastalyp 400 myń teńgege deiin jetedi. Qyzmetkerlerdiń 80 paiyzy osyndai ailyq alady. Ortalyq apparatta budan kóbirek. Onyń ózinde bári bloktarǵa bailanysty. IT-blokta ailyq joǵary. Keńsedegi jumysshylar, býhgalteriia, operatsiialyq bólim sál tómen alady», – dedi basqarma tóraǵasy Májilistegi otyrystan keiin.
"Otbasy bank" basshysy qyzmetkerlerge beriletin syiaqy kólemi týraly da aitty.
«Jalpy ákimshilik shyǵyndardan alyp qarasaq, syiaqylarǵa sonyń 30 paiyzynan aspaityn úlesi jumsalady», - dedi ol.
Alaida Lázzat Ibragimova óziniń ailyǵyn aitýdan bas tartty.
«Bul – kommertsiialyq qupiia. Degenmen kommertsiialyq bankterge qaraǵanda áldeqaida az. Biz ekinshi deńgeidegi bankterdiń ishinde kapitaly boiynsha tórtinshi orynda tursaq ta – solai. Blogerlerdiń biri sony eseptep, deńgeiles bakterge qaraǵanda 6,5 ese az alatynymdy jazǵan bolatyn», - dedi «Otbasy bank» basshysy.
