فوتو: Tengrinews.kz
«وتباسى بانك» تٶراعاسى لەززات يبراگيموۆا قول استىنداعى قىزمەتكەرلەردٸڭ قانشا جالاقى الاتىنىن ايتتى, دەپ حابارلايدى قازاقپارات اگەنتتٸگٸ.
«وتباسى بانكتٸڭ» ايلىق مٶلشەرٸ, ٶكٸنٸشكە قاراي, ٶزگە ەكٸنشٸ دەڭگەيدەگٸ بانكتەردٸڭ ورتاشا نارىقتىق ايلىعىنان تٶمەن. سوندىقتان ەڭبەك نارىعىنداعى بەسەكە ٶتە كٷردەلٸ. ەسٸرەسە, ٸت سالادا قيىن. ٶزٸنٸڭ موبيلدٸك قوسىمشالارىن دامىتىپ جاتقان بانكتەر ٶتە يكەمدٸ ساياسات ۇستانىپ وتىر. ولار تۇتاس كوماندالارعا بيۋدجەت بٶلٸپ, اقشا بەرە الادى. بٸز كۆازيمەملەكەتتٸك سەكتور قىزمەتكەرٸ بولعاندىقتان, ەڭبەككە اقى تٶلەۋدٸڭ بەلگٸلٸ بٸر ەرەجەسٸ بار. بۇل تۇرعىدا ەشقانداي جاڭاشىلدىققا بارا المايمىز. بٸزدە تەك اي سايىنعى ايلىق پەن توقساندىق سىياقىلار عانا بار. سوندىقتان بەسەكەلەسۋ ٶتە قيىن.
فيليالدار بويىنشا ايتساق, ورتاشا ايلىق 300 مىڭ تەڭگەدەن باستالىپ 400 مىڭ تەڭگەگە دەيٸن جەتەدٸ. قىزمەتكەرلەردٸڭ 80 پايىزى وسىنداي ايلىق الادى. ورتالىق اپپاراتتا بۇدان كٶبٸرەك. ونىڭ ٶزٸندە بەرٸ بلوكتارعا بايلانىستى. ٸت-بلوكتا ايلىق جوعارى. كەڭسەدەگٸ جۇمىسشىلار, بۋحگالتەرييا, وپەراتسييالىق بٶلٸم سەل تٶمەن الادى», – دەدٸ باسقارما تٶراعاسى مەجٸلٸستەگٸ وتىرىستان كەيٸن.
"وتباسى بانك" باسشىسى قىزمەتكەرلەرگە بەرٸلەتٸن سىياقى كٶلەمٸ تۋرالى دا ايتتى.
«جالپى ەكٸمشٸلٸك شىعىنداردان الىپ قاراساق, سىياقىلارعا سونىڭ 30 پايىزىنان اسپايتىن ٷلەسٸ جۇمسالادى», - دەدٸ ول.
الايدا لەززات يبراگيموۆا ٶزٸنٸڭ ايلىعىن ايتۋدان باس تارتتى.
«بۇل – كوممەرتسييالىق قۇپييا. دەگەنمەن كوممەرتسييالىق بانكتەرگە قاراعاندا ەلدەقايدا از. بٸز ەكٸنشٸ دەڭگەيدەگٸ بانكتەردٸڭ ٸشٸندە كاپيتالى بويىنشا تٶرتٸنشٸ ورىندا تۇرساق تا – سولاي. بلوگەرلەردٸڭ بٸرٸ سونى ەسەپتەپ, دەڭگەيلەس باكتەرگە قاراعاندا 6,5 ەسە از الاتىنىمدى جازعان بولاتىن», - دەدٸ «وتباسى بانك» باسشىسى.
