Foto: pixabay
Jambyl oblysyndaǵy Otar eldi mekeninde ornalasqan 30212 áskeri bóliminde merzimdi qyzmettegi sarbaz ózine ádeii aýyr jaraqat salǵan. Bul týraly jýrnalist Mihail Kozachkov Telegram-arnasynda jazdy, dep habarlaidy Ult.kz.
Aldyn ala málimetke sáikes, sarbaz basshysynan eskertý alǵannan keiin baltaǵa uqsas temir zatpen sol qolynyń saýsaqtaryn shaýyp tastaǵan. Quraldy ol órtke qarsy qalqannan alǵany aityldy. Dárigerlerdiń jedel kómeginiń arqasynda sarbazdyń saýsaqtary aman qalǵan.
Qurlyq áskerleri baspasóz qyzmeti bul oqiǵany rastady. Resmi aqparatta 2026 jylǵy 6 qańtarda Gvardeisk garnizonyndaǵy áskeri bólimderdiń birinde qatardaǵy T. tańǵy tekserý kezinde kazarma aldynda óz qolyn metall zatpen jaraqattaǵany kórsetilgen.
«Zardap shekken áskeri qyzmetker dereý áskeri gospitalǵa jetkizilip, ýaqtyly meditsinalyq kómek kórsetildi. Qazirgi ýaqytta onyń jaǵdaiy turaqty, ómirine qaýip joq», – delingen habarlamada.
Áskerilerdiń málimetinshe, sarbazdyń bul áreketi qyzmetpen bailanysty emes, jeke sebepterge negizdelgen. Atalǵan derek boiynsha qylmystyq is qozǵalyp, Ishki ister ministrliginiń Ońtústik óńirlik áskeri-tergeý basqarmasy tergeý júrgizip jatyr.
Sonymen qatar Qurlyq áskerleri Bas qolbasshysynyń tapsyrmasymen oqiǵa ornyna arnaiy komissiia jiberilgen. Qazir jaǵdai Qurlyq áskerleri qolbasshylyǵynyń tikelei baqylaýynda.
Áskeri vedomstvo resmi tergeý aiaqtalǵanǵa deiin rastalmaǵan aqparat taratpaýǵa shaqyrdy.
