فوتو: pixabay
جامبىل وبلىسىنداعى وتار ەلدٸ مەكەنٸندە ورنالاسقان 30212 ەسكەري بٶلٸمٸندە مەرزٸمدٸ قىزمەتتەگٸ سارباز ٶزٸنە ەدەيٸ اۋىر جاراقات سالعان. بۇل تۋرالى جۋرناليست ميحايل كوزاچكوۆ Telegram-ارناسىندا جازدى, دەپ حابارلايدى Ult.kz.
الدىن الا مەلٸمەتكە سەيكەس, سارباز باسشىسىنان ەسكەرتۋ العاننان كەيٸن بالتاعا ۇقساس تەمٸر زاتپەن سول قولىنىڭ ساۋساقتارىن شاۋىپ تاستاعان. قۇرالدى ول ٶرتكە قارسى قالقاننان العانى ايتىلدى. دەرٸگەرلەردٸڭ جەدەل كٶمەگٸنٸڭ ارقاسىندا ساربازدىڭ ساۋساقتارى امان قالعان.
قۇرلىق ەسكەرلەرٸ باسپاسٶز قىزمەتٸ بۇل وقيعانى راستادى. رەسمي اقپاراتتا 2026 جىلعى 6 قاڭتاردا گۆاردەيسك گارنيزونىنداعى ەسكەري بٶلٸمدەردٸڭ بٸرٸندە قاتارداعى ت. تاڭعى تەكسەرۋ كەزٸندە كازارما الدىندا ٶز قولىن مەتالل زاتپەن جاراقاتتاعانى كٶرسەتٸلگەن.
«زارداپ شەككەن ەسكەري قىزمەتكەر دەرەۋ ەسكەري گوسپيتالعا جەتكٸزٸلٸپ, ۋاقتىلى مەديتسينالىق كٶمەك كٶرسەتٸلدٸ. قازٸرگٸ ۋاقىتتا ونىڭ جاعدايى تۇراقتى, ٶمٸرٸنە قاۋٸپ جوق», – دەلٸنگەن حابارلامادا.
ەسكەريلەردٸڭ مەلٸمەتٸنشە, ساربازدىڭ بۇل ەرەكەتٸ قىزمەتپەن بايلانىستى ەمەس, جەكە سەبەپتەرگە نەگٸزدەلگەن. اتالعان دەرەك بويىنشا قىلمىستىق ٸس قوزعالىپ, ٸشكٸ ٸستەر مينيسترلٸگٸنٸڭ وڭتٷستٸك ٶڭٸرلٸك ەسكەري-تەرگەۋ باسقارماسى تەرگەۋ جٷرگٸزٸپ جاتىر.
سونىمەن قاتار قۇرلىق ەسكەرلەرٸ باس قولباسشىسىنىڭ تاپسىرماسىمەن وقيعا ورنىنا ارنايى كوميسسييا جٸبەرٸلگەن. قازٸر جاعداي قۇرلىق ەسكەرلەرٸ قولباسشىلىعىنىڭ تٸكەلەي باقىلاۋىندا.
ەسكەري ۆەدومستۆو رەسمي تەرگەۋ اياقتالعانعا دەيٸن راستالماعان اقپارات تاراتپاۋعا شاقىردى.
