Foto: Facebook.com
Jýrnalist Kamshat Tasbolat «Shái v bolshom gorode» filmine qatysty júrgizilip jatqan jarnamalyq naýqan aiasynda koých Quralai hanymnyń aitqan sózine resmi quqyqtyq baǵa berýdi surady, dep habarlaidy Ult.kz.
Jelide taraǵan videoda koých «Qolynan túk kelmeitin, bitirgen dymy joq, synshy divanbatyrlar otanymdy jemei, 3000 teńgege zarlamai, baryp qoldańdar Móldirdi» dep aitqan. Kamshat Tasbolattyń pikirinshe, «Otan» sózin boǵaýyz maǵynasynda qoldaný — quqyqtyq ári etikalyq turǵydan óte óreskel qatelik.
Jýrnalist bul sóz qoǵamdy qorlaý, memlekettik qundylyqty taptaý retinde baǵalanýy múmkin ekenin atap ótti.
«Qai el ózinde ‘otan’ sózin boqtyqtyń ornyna qoldanýǵa jol beredi? Mundai sózge ákimshilik jaýapkershilik qoldanylýy kerek. Ótken jyly elimizde boqtanǵan 8 myńnan astam adam aiyppul tólegen. Bul jaǵdaida da quqyqtyq shara qoldanylsyn», — dedi Kamshat Tasbolat.
Ol sonymen birge filmdi nasihattaý barysynda jasalyp jatqan manipýliatsiiany da synǵa aldy. Qoǵam belsendileriniń boikot jariialai bastaǵanyn aityp, zań aiasynda resmi keshirim suratý jáne aiyppul salý qajet ekenin jetkizdi.
«Kino túsire almaisyńdar ma, halyqty qorlap, mal siiaqty kinozalǵa manipýliatsiiamen aidap aparamyz dep oilamańdar. Kásibi rejisser Ermek Tursynovtyń jylaitynyndai da bar ǵoi. Kino janry sol Anandidiń ar jaq-ber jaǵy bop tur. Jaqsy kinoǵa jarnamasyz barady. Aqsha úshin birde túrli givter uiymdastyryp, birde psihologiialyq treningter ótkizip, Figaro anda, Figaro mynda bop júrgender - naǵyz túk bitirmegender. Bir salanyń mamany bolmai, on salada aqsha úshin júgirýdiń túbi densaýlyqqa da, bolashaqqa da keri áserin tigizedi. Halyqqa dóreki sóileitinder zań aiasynda jaýap bersin», - dep jazdy Kamshat Tasbolat.
Jýrnalist koýchtyń kópshilik aldynda orynsyz ári qorlaityn sóz aitýy ákimshilik quqyqbuzýshylyq retinde qaralyp, ózgelerge sabaq bolýy tiis dep sanaidy.
