فوتو: Facebook.com
جۋرناليست كامشات تاسبولات «شەي ۆ بولشوم گورودە» فيلمٸنە قاتىستى جٷرگٸزٸلٸپ جاتقان جارنامالىق ناۋقان اياسىندا كوۋچ قۇرالاي حانىمنىڭ ايتقان سٶزٸنە رەسمي قۇقىقتىق باعا بەرۋدٸ سۇرادى, دەپ حابارلايدى Ult.kz.
جەلٸدە تاراعان ۆيدەودا كوۋچ «قولىنان تٷك كەلمەيتٸن, بٸتٸرگەن دىمى جوق, سىنشى ديۆانباتىرلار وتانىمدى جەمەي, 3000 تەڭگەگە زارلاماي, بارىپ قولداڭدار مٶلدٸردٸ» دەپ ايتقان. كامشات تاسبولاتتىڭ پٸكٸرٸنشە, «وتان» سٶزٸن بوعاۋىز ماعىناسىندا قولدانۋ — قۇقىقتىق ەرٸ ەتيكالىق تۇرعىدان ٶتە ٶرەسكەل قاتەلٸك.
جۋرناليست بۇل سٶز قوعامدى قورلاۋ, مەملەكەتتٸك قۇندىلىقتى تاپتاۋ رەتٸندە باعالانۋى مٷمكٸن ەكەنٸن اتاپ ٶتتٸ.
«قاي ەل ٶزٸندە ‘وتان’ سٶزٸن بوقتىقتىڭ ورنىنا قولدانۋعا جول بەرەدٸ? مۇنداي سٶزگە ەكٸمشٸلٸك جاۋاپكەرشٸلٸك قولدانىلۋى كەرەك. ٶتكەن جىلى ەلٸمٸزدە بوقتانعان 8 مىڭنان استام ادام ايىپپۇل تٶلەگەن. بۇل جاعدايدا دا قۇقىقتىق شارا قولدانىلسىن», — دەدٸ كامشات تاسبولات.
ول سونىمەن بٸرگە فيلمدٸ ناسيحاتتاۋ بارىسىندا جاسالىپ جاتقان مانيپۋلياتسييانى دا سىنعا الدى. قوعام بەلسەندٸلەرٸنٸڭ بويكوت جارييالاي باستاعانىن ايتىپ, زاڭ اياسىندا رەسمي كەشٸرٸم سۇراتۋ جەنە ايىپپۇل سالۋ قاجەت ەكەنٸن جەتكٸزدٸ.
«كينو تٷسٸرە المايسىڭدار ما, حالىقتى قورلاپ, مال سيياقتى كينوزالعا مانيپۋلياتسييامەن ايداپ اپارامىز دەپ ويلاماڭدار. كەسٸبي رەجيسسەر ەرمەك تۇرسىنوۆتىڭ جىلايتىنىنداي دا بار عوي. كينو جانرى سول انانديدٸڭ ار جاق-بەر جاعى بوپ تۇر. جاقسى كينوعا جارناماسىز بارادى. اقشا ٷشٸن بٸردە تٷرلٸ گيۆتەر ۇيىمداستىرىپ, بٸردە پسيحولوگييالىق ترەنينگتەر ٶتكٸزٸپ, فيگارو اندا, فيگارو مىندا بوپ جٷرگەندەر - ناعىز تٷك بٸتٸرمەگەندەر. بٸر سالانىڭ مامانى بولماي, ون سالادا اقشا ٷشٸن جٷگٸرۋدٸڭ تٷبٸ دەنساۋلىققا دا, بولاشاققا دا كەرٸ ەسەرٸن تيگٸزەدٸ. حالىققا دٶرەكٸ سٶيلەيتٸندەر زاڭ اياسىندا جاۋاپ بەرسٸن», - دەپ جازدى كامشات تاسبولات.
جۋرناليست كوۋچتىڭ كٶپشٸلٸك الدىندا ورىنسىز ەرٸ قورلايتىن سٶز ايتۋى ەكٸمشٸلٸك قۇقىقبۇزۋشىلىق رەتٸندە قارالىپ, ٶزگەلەرگە ساباق بولۋى تيٸس دەپ سانايدى.
