الماتىدا 37 جاستاعى پوليتسييا قىزمەتكەرٸ اسلان ەلسەروۆتٸڭ قازاسىنا بايلانىستى قوزعالعان قىلمىستىق ٸس بويىنشا تەرگەۋ جۇمىستارى اياقتالدى. ٸس ماتەريالدارى سوتقا جولداۋ مەسەلەسٸن شەشۋ ٷشٸن پروكۋراتۋراعا تاپسىرىلدى, دەپ حابارلايدى ult.kz.
پوليتسييانىڭ حابارلاۋىنشا, تەرگەۋ قىلمىستىق كودەكستٸڭ 99-بابى 2-بٶلٸگٸ, ياعني اۋىرلاتاتىن مەن-جايلاردا ادام ٶلتٸرۋ دەرەگٸ بويىنشا جٷرگٸزٸلگەن. الايدا تەرگەۋ قۇپيياسىنا بايلانىستى ٸشكٸ ٸستەر مينيسترلٸگٸ وقيعانىڭ ٶزگە مەن-جايلارىن جارييا ەتپەدٸ.
قايعىلى وقيعا 23 ماۋسىمدا الماتى وبلىسىندا بولعان. كٶكپەك – كٶكتال – كەگەن تاسجولىنىڭ 52-شاقىرىمىندا مال باعىپ جٷرگەن تۇرعىن ٶرتەنگەن ادامنىڭ مەيٸتٸن بايقاپ, قۇقىق قورعاۋ ورگاندارىنا حابارلاعان. كەيٸن مارقۇمنىڭ الماتى قالاسى ەۋەزوۆ اۋداندىق پوليتسييا باسقارماسىندا اعا جەدەل ۋەكٸل بولىپ قىزمەت اتقارعان اسلان ەلسەروۆ ەكەنٸ بەلگٸلٸ بولدى. ونىڭ وڭ قولىنان ارقاننىڭ قالدىقتارى تابىلعان.
تەرگەۋ بولجامىنا سەيكەس, ەر ادام الماتىداعى وتباسىلىق پەتەرٸندە ٶلتٸرٸلگەن. كەيٸن قىلمىستىڭ ٸزٸن جاسىرۋ ماقساتىندا مەيٸت قالا سىرتىنداعى شامامەن 300 شاقىرىم قاشىقتىقتا ورنالاسقان تاۋلى ايماققا جەتكٸزٸلٸپ, ٶرتەلگەن.
اتالعان ٸس بويىنشا مارقۇمنىڭ جۇبايى مەن 14 جاستاعى ۇلى كٷدٸككە ٸلٸنگەن. بەلگٸلٸ بولعانداي, ەلسەروۆتٸڭ ەيەلٸ بۇرىن پوليتسييا قاتارىندا قىزمەت اتقارعان. ەرلٸ-زايىپتى 15 جىل وتاسىپ, جەتٸ بالا تەربيەلەگەن.
باستاپقىدا قىلمىستىق ٸس قىلمىستىق كودەكستٸڭ 99-بابى 1-بٶلٸگٸ بويىنشا تٸركەلگەن. الايدا تەرگەۋ بارىسىندا ٸس اۋىرلاتاتىن مەن-جايلاردا جاسالعان ادام ٶلتٸرۋ رەتٸندە قايتا سارالانعان.
اتالعان باپتىڭ 2-بٶلٸگٸ بويىنشا ەرەسەك ادامعا 15 جىلدان 20 جىلعا دەيٸن باس بوستاندىعىنان ايىرۋ نەمەسە ٶمٸر بويىنا باس بوستاندىعىنان ايىرۋ جازاسى كٶزدەلگەن. ال كەمەلەتكە تولماعان كٷدٸكتٸگە قاتىستى جازا تاعايىنداۋدىڭ بٶلەك تالاپتارى قولدانىلادى.
قازٸرگٸ ۋاقىتتا ٸس پروكۋراتۋرانىڭ قاراۋىنا بەرٸلگەن. كٷدٸكتٸلەردٸڭ كٸنەسٸ سوت ٷكٸمٸ زاڭدى كٷشٸنە ەنگەنگە دەيٸن دەلەلدەنگەن بولىپ ەسەپتەلمەيدٸ.
ايتا كەتەيٸك, ٶرتەنگەن پوليتسەيدٸڭ وتباسىلىق قۇپيياسى مەلٸم بولدى.
الماتىدا پوليتسەيدٸ ٶلتٸرۋ ٸسٸ: بۇعان دەيٸن قانداي مەلٸمەتتەر بەلگٸلٸ بولدى?
- 24 ماۋسىم - پوليتسەيدٸڭ مەيٸتٸ تابىلىپ, ەيەلٸ مەن ۇلى ۇستالدى
الماتى وبلىسىنىڭ كەگەن اۋدانىندا 37 جاستاعى پوليتسييا قىزمەتكەرٸ اسلان ەلسەروۆتٸڭ ٶرتەنگەن مەيٸتٸ تابىلدى. قۇقىق قورعاۋ ورگاندارى مارقۇمنىڭ جۇبايى مەن 14 جاستاعى ۇلى ۇستالعانىن راستادى. سول كٷنٸ پوليتسەيدٸڭ جەرلەنگەنٸ دە حابارلاندى.
- 26 ماۋسىم - كٷدٸكتٸلەر سانى ارتقانى حابارلاندى
قىلمىستىق ٸس بويىنشا كٷدٸكتٸلەر سانى كٶبەيگەنٸ بەلگٸلٸ بولدى. بۇعان دەيٸن مارقۇمنىڭ ەيەلٸ مەن 14 جاستاعى ۇلى كٷدٸككە ٸلٸنگەن ەدٸ. كەيٸن تەرگەۋ اياسىندا باسقا دا ادامداردىڭ اتى اتالا باستادى. ولاردىڭ قاتارىندا كەمەلەتكە تولماعان جاسٶسپٸرٸمدەر دە بولعان.
- 30 ماۋسىم - ەرلٸ-زايىپتىلاردىڭ بۇرىنعى سۇحباتى تارادى
اسلان مەن ارايلىم ەلسەروۆتەردٸڭ ەكٸ جىل بۇرىن “قايىرلى تاڭ, قازاقستان” باعدارلاماسىنا قاتىسقانى بەلگٸلٸ بولدى. ەرلٸ-زايىپتىلار جەتٸ بالا تەربيەلەپ وتىرعان وتباسى رەتٸندە تانىستىرىلىپ, قىزمەتٸ مەن وتباسىلىق ٶمٸرٸ تۋرالى ەڭگٸمەلەگەن.
- 2–12 شٸلدە - مارقۇمنىڭ ەرٸپتەستەرٸ پٸكٸر بٸلدٸردٸ
اسلان ەلسەروۆتٸڭ بۇرىنعى ەرٸپتەستەرٸنٸڭ بٸرٸ ونىڭ قىلمىستىق پوليتسيياداعى قىزمەتٸ تۋرالى ايتىپ بەردٸ. وسى كەزەڭدە وتباسىندا بولعان جانجالعا قاتىستى تٷرلٸ بولجامدار تارادى. الايدا وقيعانىڭ ناقتى سەبەپتەرٸ رەسمي تٷردە راستالمادى.
- 15 شٸلدە - جاسٶسپٸرٸمدەردٸڭ ادۆوكاتتارى مەلٸمدەمە جاسادى
ٸسكە قاتىسى بار جاسٶسپٸرٸمدەردٸڭ قورعاۋشىلارى تەرگەۋ بارىسىنا قاتىستى پٸكٸر بٸلدٸردٸ. ادۆوكات عالىم نۇرپەيٸسوۆ جاسٶسپٸرٸمدەردٸڭ بٸرٸنٸڭ وقيعا بولعان ٷيگە ويىن ويناۋعا بارعانىن ايتتى.
سونداي-اق قورعاۋشى العاشقى جاۋاپ الۋ كەزٸندە ادۆوكات بولماعانىن مەلٸمدەپ, تەرگەۋ ەرەكەتتەرٸنە قاتىستى شاعىمىن جەتكٸزدٸ. سول كەزدەگٸ اقپارات بويىنشا, ٷش جاسٶسپٸرٸم ٷيقاماقتا بولعان.
- 8 قازان - تەرگەۋ اياقتالىپ, ٸس پروكۋراتۋراعا جولداندى
الماتى قالالىق پوليتسييا دەپارتامەنتٸ اسلان ەلسەروۆتٸڭ ٶلٸمٸنە قاتىستى سوتقا دەيٸنگٸ تەرگەۋدٸڭ اياقتالعانىن حابارلادى.
باستاپقىدا قىلمىستىق كودەكستٸڭ 99-بابى 1-بٶلٸگٸ بويىنشا قوزعالعان ٸس كەيٸن وسى باپتىڭ 2-بٶلٸگٸنە, ياعني اۋىرلاتاتىن مەن-جايلاردا ادام ٶلتٸرۋ دەرەگٸنە قايتا سارالانعان.
قىلمىستىق ٸس ماتەريالدارى پروكۋراتۋراعا بەرٸلدٸ. كٷدٸكتٸلەردٸڭ كٸنەسٸ سوت ٷكٸمٸ زاڭدى كٷشٸنە ەنگەنگە دەيٸن دەلەلدەنگەن بولىپ ەسەپتەلمەيدٸ.
