«Samuryq-Qazyna» ulttyq ál-aýqat qory» AQ Basqarma tóraǵasynyń orynbasary Álisher Pirmetov otandyq taýar óndirýshilerge qandai qoldaý kórsetilip jatqanyn baiandady, dep habarlaidy QazAqparat.
«Pandemiiaǵa bailanysty ekonomikalyq belsendilik quldyraǵanda satyp alýdy uiymdastyrý róliniń aitarlyqtai artatynyn birneshe ret atap óttik. El Prezidenti aitqandai, qazirgi ýaqytta satyp alý ekonomikalyq belsendilikti qalpyna keltirý quraly retinde qarastyrylady. Odan bólek, ekonomister daǵdarysty ekonomikanyń qaita jandanýyna yqpal etedi dep esepteidi. Ótken jáne aldyńǵy jyldary kompaniialar toby men qordyń ózi otandyq ónerkásip sektoryn qoldaý boiynsha aýqymdy jumys júrgizdi. Oǵan basa nazar aýdaramyz, sebebi ol eldiń eksporttyq áleýetiniń ósý negizi bolýy tiis», - dedi Álisher Pirmetov Samruk Akparat alańynda ótken onlain brifingte.
Onyń aitýynsha, ótken jyly offteik-kelisimshart baǵdarlamasy iske qosyldy, ol jańa óndiris qurýǵa, importty almastyrýǵa baǵyttalǵan jańa bastamalarǵa qoldaý kórsetedi. Bul maqsatta qordyń kelisimshart toby óndirýshilerdiń ónimin satyp alýǵa kepildik beredi.
«Offteik-kelisimsharttardyń nátijesin qazir sezinýge bolady. qordyń importty almastyrý baǵdarlamasynyń aitarlyqtai keńeiip kele jatqanyn habarlaǵymyz keledi. Osyǵan bailanysty biz qordyń satyp alý qyzmetiniń dástúrli tásilderiniń tutas júiesin qaita qaradyq. Eger buryn satyp alý júiesi tek ishki holdingtik operatsiialyq fýnktsiiany kózdese, qazir ol otandyq biznesti qoldaýdyń naqty mehanizmin qosa qarastyrady. Maýsym aiynda ótken qor basqarmasynyń otyrysynda biz qazirgi aýyr ekonomikalyq jaǵdaidaǵy qazaqstandyq kásiporyndardy qoldaýdyń jańa baǵdarlamasyn ázirleýdi habarlaǵan edik. Bul sharalardy Qaýipsizdik Keńesi men onyń tóraǵasy qoldady. Baǵdarlama bizdiń kompaniialarǵa óz ónimderin ótkize almai júrgen kásiporyndarmen tikelei shart jasasýyn qarastyrady. Bul – óte aýqymdy jáne ózekti másele. Bul bizdiń kompaniialarymyzǵa qajetti taýarlardy satyp alýǵa, al kásiporynǵa – óndiristik protsesti toqtatpaýǵa múmkindik beredi. Kerisinshe, keibir kásiporyndar boiynsha óndiristik qýatty arttyrý jáne jumys oryndaryn saqtaýdy qarastyramyz», - dedi spiker.
Kórsetilgen artyqshylyqtar men paidadan basqa, óndiristik júktemeni ulǵaitý týraly biýdjetke qosymsha 6 mlrd teńge salyq túsedi. Iaǵni, jańa tásilderdi iske asyrý jumys oryndaryn saqtap qana qoimai, biýdjetti qamtamasyz etýge, jańa jumys oryndaryn qurýǵa múmkindik berip, jumys istep turǵan kásiporyndardy qoldaýdyń naqty tetigi bolmaq.
«Qor otandyq taýar óndirýshilerdi qoldaý boiynsha júieli jumysty odan ári jalǵastyrýǵa nietti. Osy maqsatta QR Úkimeti janyndaǵy Jobalyq keńsemen, «Atameken» kásipkerler palatasymen jáne salalyq qaýymdastyqtarmen jumys isteimiz. Mundai júieli sharalar el ekonomikasynyń ósýine yqpal etedi, daǵdarystan jańartylǵan áleýetpen shyǵýǵa jáne shikizat naryqtarynyń koniýktýrasyna táýeldilikten arylýǵa múmkindik beredi», - dep qortyndylady Á. Pirmetov.
