Foto: ashyq derekkóz
Qazaqstanda otandyq ónimniń úlesi artyp keledi. Bul úrdis metallýrgiia, jeńil ónerkásip jáne elektronika salalarynda baiqalady. Bul týraly Úkimet otyrysynda ónerkásip jáne qurylys ministri Ersaiyn Naǵaspaev baiandady, dep habarlaidy Ult.kz.
Taýarlardyń ishki óndirisiniń ulǵaiýy nátijesinde importtyq ónimder birtindep aýystyrylady.
«Otandyq óńdeýshi ónerkásip kásiporyndaryn qoldaýdyń pármendi quraldarynyń biri retteletin satyp alýlarǵa qatysýǵa basym quqyq berý bolyp sanalady», — dep atap ótti ónerkásip jáne qurylys ministri Ersaiyn Naǵaspaev.
Osy quraldyń arqasynda otandyq taýarlardyń 4 834 astam pozitsiiasyna basymdyq berildi. Osy jylǵy 5 aidyń qorytyndysy boiynsha memlekettik organdar otandyq taýar óndirýshilermen 303 mlrd teńge bolatyn 96 myńnan astam kelisimshartqa otyrdy. Bul ótken jylmen salystyrǵanda 3 ese joǵary.
