Taǵamtanýshy, Ulttyq ǵylym akademiiasynyń akademigi Tóregeldi Sharmanov oraza ustaǵan jandarǵa sáresi men aýyzashýǵa paidasy mol tamaq ratsionyn usyndy, dep habarlaidy Qadam.asia.
Akademiktiń aitýynsha, aýyzashardyń taǵamyn eki bólip qarastyrǵan durys.
"Aldymen, 1 shai kese sý jáne qurmamen aýyz ashyp, sosyn 1 kese sorpa iship, salat jegen jón. Bir saǵattan keiin buqtyrylǵan maisyz aqýyzdy jeýge bolady. Oǵan et, taýyq eti, balyq, jumyrtqa, úrmeburshaq jatady. Sonymen birge tutas dámdi jarmadan jasalǵan garnir, salat, sút nemese jemis-jidek desertin tutynýǵa bolady", - deidi taǵamtanýshy.
Sonymen qatar Tóregeldi Sharmanov sáresige kelesidei tamaq ratsionyn usyndy.
- 1-2 pisirilgen jumyrtqa
- 30 gramm tuzdalmaǵan irimshik
- záitún maiy qosylǵan kókónister
- 3-4 dana grek nemese 6-8 dana badam jańǵaǵy
- 2 keptirilgen órim
- 1 shai kese airan
- tutas dándi nannyń 1-2 tilimi
"Aýyz bekiterde aǵzadaǵy sý mólsherin eskergen durys. Sebebi kún ystyqta kóp terleseńiz, termen birge aǵzadaǵy mikroelementter shyǵyp ketýi yqtimal. Al ony sýmen toltyrasyz. Kúnine 2-2,5 litr sý ishińiz. Sýǵa airan men sút te jatady", — deidi akademik.
