Parlament Májilisiniń depýtaty Gennadii Shipovskih Qazaqstannyń Tuńǵysh Prezidenti – Elbasy Nursultan Nazarbaevtyń Egemen Qazaqstan gazetine jariialaǵan maqalasyn oqyp, odan ne túigenin aityp berdi, dep habarlaidy QazAqparati.
«Tuńǵysh Prezident – Elbasynyń shyqqan búgingi maqalasymen oqyp, tanystyq. Maqalada tereń oi jatyr. Birinshiden Elbasy osynaý kúrdeli kezeńde halyqpen aqyldasyp otyr. Indet qazir Qazaqstandy ǵana emes, kúlli álemge qaýpin týǵyzýda. Tuńǵysh Prezidenttiń maqalasynda eki aspektke erekshe nazar aýdardym: birinshiden Elbasy ulttyq qorǵa bailanysty halyqqa naqty aqparat berdi. Pandemiiaǵa bailanysty halyqty qoldaý úshin ulttyq qordan tiisti qarajat bólinetinin aitty. Jalpy kimge qandai jeńildiktiń beriletini de ataldy», - deidi Gennadii Shipovskih QazAqparat tilshisine telefon arqyly aitqan pikirinde.
Depýtattyń aitýynsha, buryn Elbasyna ulttyq qordaǵy aqshany buǵan deiingi qajettilikterge jumsaý týraly san túrli usynys bolǵan.
«Áitse de, Nursultan Nazarbaevtyń sol tusta myzǵymaǵan qaǵidatynyń búgingi kúni paidasyn kórip otyrmyz. Sonymen birge ekinshi aspekt: eldi tyńdata biletin ziialy qaýymǵa aitylǵan oi. Sebebi Elbasy aityp otyrǵandai halyqty sabyrǵa shaqyryp, óskeleń urpaqqa durys oi-aqyl aitý kerek. Qazaqstan Táýelsizdigin jariialaǵaly beri 30 jyl ýaqyt ótti. Iaǵni sol kezde týǵan bala qazir orda buzar otyz jasqa jetti. Bir qarasań, kóp te, az da emes. Memleket osyǵan deiin de, keiin de jastarymyzdy qoldap, bilimin shyńdai bermek. Qazir sol jastarymyz indettiń betin qaitarý úshin biri dáriger, biri politsiia qyzmetkeri bolyp, kún-tún demei eńbektenip júr. Elbasy olardyń eńbegine de erekshe alǵysyn aitty. Abai da «birińdi qazaq, biriń dos, kórmeseń istiń bári bos» deidi. Osynaý qysyltaiań shaqta eldegi ár azamat «elim úshin ne istei alamyn?» dep ózine ózi suraq qoiýy tiis. Búgingi Elbasy maqalasynda ideologiialyq turǵyda úlken qundylyqtar jatyr. Osy qundylyqtardy qoldap, ózimiz árqashan kúsh birlikte ekenin túsinýimiz kerek», - deidi depýtat.
Eske sala ketsek, búgin Egemen Qazaqstan gazetinde QR Tuńǵysh Prezidenti – Elbasy Nursultan Nazarbaevtyń maqalasy jariialanǵan edi.
.jpeg)