QR Indýstriia jáne infraqurylymdyq damý ministri Qaiyrbek Óskenbaev sheteldik kólik alýǵa nege jeńidetilgen avtonesie berilmeitinin túsindirdi, dep habarlaidy QazAqparat.
«Sheteldik kólik alýǵa jeńildetilgen avtonesie berile me, berilmese nege qarastyrylmaǵan?», - dep surady BAQ ókili Úkimettiń otyrysynan keiin ótken brifingide.
«Árine, qarastyrylmaidy. Bul – nonsens. Biz nege bóten óndiriske, bóten jumys kúshterine, ózgeniń salyq salynatyn bazasyna jeńildik usynýymyz kerek pe? Árine, joq. Tek otandyq óndiristiń kólikterine ǵana jeńildetilgen avtonesie beriledi. Biz ózimizdiń óndiriske ǵana, ózimizdiń salyq salynatyn bazamyzǵa jáne ózimizdiń jumys oryndaryna avtonesie berýimiz kerek», - dedi Qaiyrbek Óskenbaev.
Atalǵan sharada QR vedomstvo basshysy ýtilizatsiialyq alymnyń ózgerýi kólik baǵasyn azrandatpaitynyn da aitty.
«Shetelden keletin kólikterdiń baǵasyn da erteńinde túsiredi dep aitýǵa esh negiz kórip otyrǵan joqpyn. Mysaly, jol talǵamaityn qymbat kólik ákelse, óz qaltasyna salatyn quny ósedi de, halyq úshin arzandamaidy dep oilap otyrmyn», - dedi ministr.
