Ekologiialyq qaýipsizdik ortalyǵy ShQO Ekologiia departamentiniń qoldaýymen «Jasyl keńse» aktsiiasyn jariialap, qyzmetkerler bir apta boiy plastik paketti paidalanýdan bas tartady, dep habarlaidy "Ult aqparat".
Uiymdastyrýshylardyń aitýynsha, sarapshylar ekologiialyq ziiandy polietilensiz «kún kórýge» bolatynyn óz qoldyramen teserip, Óskemen qalasy turǵyndaryna plastikalyq qaldyqtardy azaitý ideiasyn nasihattamaq. Ekologtar bir apta boiy eko sómkeler, biologiialyq ydyraityn nemese qaǵazdan jasalǵan paketter ustamaq.
«Polietilen paketter, bir ret qana qoldanylatyn plastik buiymdar zamanaýi adamdar úshin tańsyq dúnie emes, biraq onyń qorshaǵan ortaǵa ziiany ushan-teńiz ekenine eshkim mán bermeidi. Mundai paketter ydyraý úshin 400 jyl ýaqyt kerek, ol ýaqyt aralyǵynda ol aýaǵa ziiandy zattar bólip, ártúrli dertterdiń týýyna sebep bolady», - deidi Ekologiialyq qaýipsizdik ortalyǵynyń mamany Elena Poliantseva.
Óskemen qalasynda jyl boiy 100-150 million polietilen paket pen qap qoqysqa tastalady. Qarapaiym tilmen túsindirgende, ol 20-40 vagonga tielgen qoqyspen teń.
«Biz oilana kele osyndai sheshimge keldik: bireýge birdeńe úiretpes buryn ózińnen bastaý kerek. Aktsiia qalai ótip jatqanyn, qandai nátije bolǵanyn, aldaǵy ýaqytta eskeretin jaittar týraly áleýmettik jelilerdegi paraqshamyzda jariialap otyramyz», - deidi maman.
