Óskemende áskeri bólimnen óz betinshe ketip qalǵan sarbaz tabyldy. Ol qaladan shamamen 20 shaqyrym jerden ustalyp, áskeri politsiia bólimine jetkizilgen, dep habarlaidy ult.kz.
Bas áskeri politsiia basqarmasynyń málimetinshe, sarbazdyń ómiri men densaýlyǵyna eshqandai qaýip joq. Aldyn ala aqparatqa sáikes, ol úiin saǵynǵandyqtan qyzmet ornyn óz erkimen tastap ketken.
Qazir oqiǵanyń barlyq mán-jaiy men sebepteri jan-jaqty tekserilip jatyr.
Tekserý barysynda sarbaz komandirler nemese birge qyzmet atqaratyn áskeri qyzmetshiler tarapynan jarǵyǵa qaishy áreketter, qysym kórsetý nemese laýazymdyq ókilettikterdi asyra paidalaný faktileri bolmaǵanyn aitqan.
Oqiǵaǵa qatysty tekserý nátijesi boiynsha tiisti protsessýaldyq sheshim qabyldanady.
