Óskemen qalasynyń mańaiynda ornalasqan saiajai aýmaǵynyń turǵyndary osymen birneshe jyl qatarynan ne jaryqsyz, ne sýsyz kún kórip keledi.
Ákimdiktiń tabaldyryǵyn tozdyrýdan sharshaǵan qala turǵyndarynyń shaǵymyn qala basshylyǵy da eskermei keledi.
Oblystyq qoǵamdyq keńes janyndaǵy saiajai aýmaǵy birlestikteri máselesi jónindegi jumys tobynyń kezekti otyrysy barysynda atalǵan másele basty nazarǵa alyndy. Quzyrly organdarǵa shaǵymdanýdan sharshaǵan saiajai turǵyndary da otyrysqa qatysyp, ishki janaiqaiymen bólisti.
– Biz osymen jetinshi jyl qatarynan sýsyz, jaryqsyz kún kórip kelemiz. Elder sýdy fliagamen tasidy. Al jolymyzdy jol ep ataýdyń ózi múmkin emes. Sebebi kóktem, kúz mezgilderinde ezilgen balshyqtan júrý múmkin emes, – dep «Zvezdnyi» saiajai aýmaǵynyń turǵyny narazylyǵyn bildirdi.
Bir qyzyǵy otyrysqa Óskemen qalasy ákiminiń orynbasary Erjan Qońyrbaev, qala ákiminiń keńesshisi Murat Orazalin, TÚKSh, jolaýshylar kóligi jáne avtomobil joldary bólimi basshysynyń orynbasary Aset Kýrymbaev, Saiajai aýmaǵy birlestiginiń tóraiymy Lidiia Zýeva qatysýy kerek bolǵan. Alaida joǵaryda atalǵan atqaminerlerdiń eshqaisysy qarasyn kórsetpedi.
– Birinshiden barlyq saiajai aýmaqtary boiynsha saraptama júrgizip, tirkelgen turǵyndardyń esebin júrgizip, bos jatqan aýmaqtardy anyqtaý qajet. Bul oraida «Nur Otan» partiiasy Óskemen qalasy filialy tóraǵasynyń birinshi orynbasary Mairash Ekibasovanyń usynysymen úlken jumys toby qurylyp, ol topqa barlyq memlekettik organdar men máslihat depýtattary kirgennen keiin ǵana, saiajai aýmaqtaryn sý jáne jaryqpen qamtamasyz etý boiynsha sheshim qabyldaýǵa bolady, – dedi oblystyq máslihat depýtaty Oleg Chernyshov.
Otyrys sheshimi boiynsha qoǵamdyq keńes belsendileri QR Konstitýtsiiasyna sai saiajai turǵyndarynyń quqyǵyn qorǵaý maqsatynda saiajai aýmaǵyna tiisti zań qabyldaý úshin Parlamentke usynys joldamaq.
"Ult aqparat"
