Foto: Qostanai oblysy prokýratýrasy
Óskemen qalasynda prokýror kólikpen jaryq baǵanasyna soǵylyp, politseilerden qashyp qutylmaq bolǵany úshin jumystan shyǵaryldy, dep habarlaidy ShQO Prokýratýrasynyń baspasóz qyzmeti.
Belgili bolǵandai, prokýror V. B. Pan kólik tizginine mas kúide otyrǵan. Osyǵan qatysty is Ákimshilik quqyq buzýshylyq jónindegi mamandandyrylǵan sotta qaraldy.
Sot sheshimimen qadaǵalaý organynyń qyzmetkeri QR ÁQBtK-niń 608-baby 3-bóliginde kózdelgen ákimshilik quqyq buzý jasaǵany úshin kináli dep tanylyp, 20 táýlikke qamaýǵa alyndy. Sondai-aq ol 7 jyl merzimge kólik basqarý quqyǵynan aiyryldy.
— Quqyq qorǵaý organynyń bedelin túsiretin teris qylyq jasaǵany úshin Óskemen qalasy prokýratýrasy bóliminiń prokýrory «Quqyq qorǵaý qyzmeti týraly» Qazaqstan Respýblikasynyń zańyna sáikes jumystan shyǵarylyp, «1-synypty zańger» synyptyq sheninen aiyryldy, — delingen habarlamada.
Eske salsaq, osyǵan deiin Óskemen qalasynyń prokýrory ýaqytsha qyzmetinen shettetilgeni habarlanǵan.
