فوتو: قوستاناي وبلىسى پروكۋراتۋراسى
ٶسكەمەن قالاسىندا پروكۋرور كٶلٸكپەن جارىق باعاناسىنا سوعىلىپ, پوليتسەيلەردەن قاشىپ قۇتىلماق بولعانى ٷشٸن جۇمىستان شىعارىلدى, دەپ حابارلايدى شقو پروكۋراتۋراسىنىڭ باسپاسٶز قىزمەتٸ.
بەلگٸلٸ بولعانداي, پروكۋرور ۆ. ب. پان كٶلٸك تٸزگٸنٸنە ماس كٷيدە وتىرعان. وسىعان قاتىستى ٸس ەكٸمشٸلٸك قۇقىق بۇزۋشىلىق جٶنٸندەگٸ مامانداندىرىلعان سوتتا قارالدى.
سوت شەشٸمٸمەن قاداعالاۋ ورگانىنىڭ قىزمەتكەرٸ قر ەقبتك-نٸڭ 608-بابى 3-بٶلٸگٸندە كٶزدەلگەن ەكٸمشٸلٸك قۇقىق بۇزۋ جاساعانى ٷشٸن كٸنەلٸ دەپ تانىلىپ, 20 تەۋلٸككە قاماۋعا الىندى. سونداي-اق ول 7 جىل مەرزٸمگە كٶلٸك باسقارۋ قۇقىعىنان ايىرىلدى.
— قۇقىق قورعاۋ ورگانىنىڭ بەدەلٸن تٷسٸرەتٸن تەرٸس قىلىق جاساعانى ٷشٸن ٶسكەمەن قالاسى پروكۋراتۋراسى بٶلٸمٸنٸڭ پروكۋرورى «قۇقىق قورعاۋ قىزمەتٸ تۋرالى» قازاقستان رەسپۋبليكاسىنىڭ زاڭىنا سەيكەس جۇمىستان شىعارىلىپ, «1-سىنىپتى زاڭگەر» سىنىپتىق شەنٸنەن ايىرىلدى, — دەلٸنگەن حابارلامادا.
ەسكە سالساق, وسىعان دەيٸن ٶسكەمەن قالاسىنىڭ پروكۋرورى ۋاقىتشا قىزمەتٸنەن شەتتەتٸلگەنٸ حابارلانعان.
