Óskemen qalasynda qoqys poligonyndaǵy iri órt sóndirildi, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, órt 26 sáýirde saǵat 12:00 shamasynda bastalǵan. Qutqarýshylar arnaiy tehnikalarmen sol jerde táýlik boiy jumys istedi. Tóbe bop úiilgen qoqys pen jel jańadan órt oshaqtaryn týdyryp, sóndirýdi qiyndatqan.
«Búgin saǵat 12.15-te qyzyl jalyn tolyqtai sóndirildi. Órtengen aýmaqtyń aýdany 1 gektardy qamtyǵan», - dep habarlady vedomstvo ókilderi.
Aita keteiik, oqiǵa ornyna barlyǵy 40 adam men 14 tehnika jumyldyrylǵan. Aldyn ala málimet boiynsha jalynnyń shyǵýyna – qasaqana órt qoiý nemese otty abaisyz paidalaný sebep bolýy múmkin.
