ٶسكەمەن قالاسىندا قوقىس پوليگونىنداعى ٸرٸ ٶرت سٶندٸرٸلدٸ, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ٶرت 26 سەۋٸردە ساعات 12:00 شاماسىندا باستالعان. قۇتقارۋشىلار ارنايى تەحنيكالارمەن سول جەردە تەۋلٸك بويى جۇمىس ٸستەدٸ. تٶبە بوپ ٷيٸلگەن قوقىس پەن جەل جاڭادان ٶرت وشاقتارىن تۋدىرىپ, سٶندٸرۋدٸ قيىنداتقان.
«بٷگٸن ساعات 12.15-تە قىزىل جالىن تولىقتاي سٶندٸرٸلدٸ. ٶرتەنگەن اۋماقتىڭ اۋدانى 1 گەكتاردى قامتىعان», - دەپ حابارلادى ۆەدومستۆو ٶكٸلدەرٸ.
ايتا كەتەيٸك, وقيعا ورنىنا بارلىعى 40 ادام مەن 14 تەحنيكا جۇمىلدىرىلعان. الدىن الا مەلٸمەت بويىنشا جالىننىڭ شىعۋىنا – قاساقانا ٶرت قويۋ نەمەسە وتتى ابايسىز پايدالانۋ سەبەپ بولۋى مٷمكٸن.
