- Shyǵys Qazaqstan oblysynda úkimettik emes uiymdardyń ókilderi ýaqytsha tirkeýge qatysty barlyq daýly máseleler sheshimin tappaiynsha, zańnamalyq normalar qoldanysqa enbeýi tiis dep sendiredi, dep habarlaidy YK-news.kz tilshisi.
Jańa zańnamalyq normalarǵa sáikes, eger kez kelgen adam on kúnnen astam ýaqyt páter jaldaityn bolsa, sol páterge ýaqytsha tirkelýi tiis. Sonymen qatar, týystarynyń nemese dostarynyń úiine otyz kúnnen astam ýaqyt qonaq bolsa da tirkelýi qajet. Jańa tártip halyq arasynda qyzý talqyǵa salynyp, HQKO-larda kezek týdyrdy.
Kóshi-qon politsiiasynyń qyzmetkerleri bul máselelerdi turǵyndarmen kezdesý barysynda talqylady. Sóilesý barysynda azamattardyń kóptegen suraqtary jaýapsyz qaldy. Sebebi, respýblikamyzda ýaqytsha tirkeýdiń tártibin tolyǵymen retteitin erejeler, buiryqtar men basqa da qujattar ázirge joq.
Mysaly, eger adam óziniń saiajaiynda jarty jyl turǵysy kelse, onyń tirkelý kerektigi belgisiz. Eger adam shalǵaida ornalasqan aýylǵa qonaqqa barsa, tirkelý úshin aýdan ortalyǵyna barýy kerek pe?
«Jańa ereje elimizdiń kóptegen zańdary men kodeksterine túsinispeýshilik alyp keldi, - dep málimdedi «Birge» qoǵamdyq birlestiginiń tóraiymy Lidiia Sitnikova. - Parlamentke, IIM-ge ýaqytsha tirkeý normalaryna qatysty moratorii jariialaýdy surap, hat joldaý qajet».
