Shyǵys Qazaqstannyń ákimi Danial Ahmetov aimaqta meditsina salasy qalai damyp jatqanyn aitty, dep habarlaidy "Ult aqparat".
Ákimniń aitýynsha, aldaǵy jyldary Semeidegi jedel meditsinalyq kómek aýrýhanasy JCI halyqaralyq standartyna sáikestendiriledi. Ol sondai-aq, óńirdegi eldimekenderde kardiologiialyq ortalyqtar ashylyp jatqanyn atap ótti.
«Meditsina sapasy - zamanǵa sai jabdyqtardy igerip, satyp alý, filialdardy ashyp, meditsinalyq uiymdardyń halyqaralyq standartqa kóshirilýimen esepteledi. Sonymen qatar, biz tek jetekshi aimaqtyq klinikalardy damytýdy maqsat tutyp otyrǵan joqpyz. Respýblikada birinshi bolyp eki aýdan ortalyǵynda - Aiagóz ben Altaida insýlt ortalyǵyn ashtyq. Turǵyndar aldymen jańa halyqaralyq standarttardyń ne ekenin kórdi. Tórt aidyń ishinde biz sol eldimekenderde kardiologiialyq ortalyqtardy ashamyz. Artynsha Aiagóz men Altaida shýntty operatsiialar jasalady», - dedi Shyǵys Qazaqstan oblysynyń ákimi OKQ-da ótken baspasóz máslihatynda.
Danial Ahmetov sonymen qatar, aimaqta Nur-Sultan men Almatyda ornalasqan jetekshi meditsinalyq ortalyqtardyń filialdaryn ashý qajettigin atap ótti.
«Eki-úsh qaladaǵy joǵary tehnologiialyq ortalyqtarǵa súienetin bolsaq, progressivti meditsinany damyta almaimyz. Biz Semei qalasyndaǵy aýrýhanada travmatologiia institýtynyń filialyn uiymdastyrdyq. Óskemende kardiologiialyq ortalyq salýdamyz. Jaqyn arada Semei qalasynda Neirohirýrgiia institýtynyń filialy ashylady», - dedi ákim.
