شىعىس قازاقستاننىڭ ەكٸمٸ دانيال احمەتوۆ ايماقتا مەديتسينا سالاسى قالاي دامىپ جاتقانىن ايتتى, دەپ حابارلايدى "ۇلت اقپارات".
ەكٸمنٸڭ ايتۋىنشا, الداعى جىلدارى سەمەيدەگٸ جەدەل مەديتسينالىق كٶمەك اۋرۋحاناسى JCI حالىقارالىق ستاندارتىنا سەيكەستەندٸرٸلەدٸ. ول سونداي-اق, ٶڭٸردەگٸ ەلدٸمەكەندەردە كارديولوگييالىق ورتالىقتار اشىلىپ جاتقانىن اتاپ ٶتتٸ.
«مەديتسينا ساپاسى - زامانعا ساي جابدىقتاردى يگەرٸپ, ساتىپ الۋ, فيليالداردى اشىپ, مەديتسينالىق ۇيىمداردىڭ حالىقارالىق ستاندارتقا كٶشٸرٸلۋٸمەن ەسەپتەلەدٸ. سونىمەن قاتار, بٸز تەك جەتەكشٸ ايماقتىق كلينيكالاردى دامىتۋدى ماقسات تۇتىپ وتىرعان جوقپىز. رەسپۋبليكادا بٸرٸنشٸ بولىپ ەكٸ اۋدان ورتالىعىندا - اياگٶز بەن التايدا ينسۋلت ورتالىعىن اشتىق. تۇرعىندار الدىمەن جاڭا حالىقارالىق ستاندارتتاردىڭ نە ەكەنٸن كٶردٸ. تٶرت ايدىڭ ٸشٸندە بٸز سول ەلدٸمەكەندەردە كارديولوگييالىق ورتالىقتاردى اشامىز. ارتىنشا اياگٶز مەن التايدا شۋنتتى وپەراتسييالار جاسالادى», - دەدٸ شىعىس قازاقستان وبلىسىنىڭ ەكٸمٸ وكق-دا ٶتكەن باسپاسٶز مەسليحاتىندا.
دانيال احمەتوۆ سونىمەن قاتار, ايماقتا نۇر-سۇلتان مەن الماتىدا ورنالاسقان جەتەكشٸ مەديتسينالىق ورتالىقتاردىڭ فيليالدارىن اشۋ قاجەتتٸگٸن اتاپ ٶتتٸ.
«ەكٸ-ٷش قالاداعى جوعارى تەحنولوگييالىق ورتالىقتارعا سٷيەنەتٸن بولساق, پروگرەسسيۆتٸ مەديتسينانى دامىتا المايمىز. بٸز سەمەي قالاسىنداعى اۋرۋحانادا تراۆماتولوگييا ينستيتۋتىنىڭ فيليالىن ۇيىمداستىردىق. ٶسكەمەندە كارديولوگييالىق ورتالىق سالۋدامىز. جاقىن ارادا سەمەي قالاسىندا نەيروحيرۋرگييا ينستيتۋتىنىڭ فيليالى اشىلادى», - دەدٸ ەكٸم.
