Shyǵys Qazaqstan oblysynyń politseileri aimaqtyq Qylmystyq-atqarý júiesi departamentimen birlesip, Óskemen qalasyndaǵy garajdardyń birinde qoimaǵa jasyrylǵan qarý-jaraq arsenalyn anyqtady, - dep habarlaidy Tengrinews.kz tilshisi ShQO IID baspasóz qyzmetine silteme jasap.
Málimet boiynsha, tintý kezinde kalibrli 7,62 millimetrlik TT markaly jaýyngerlik tapansha tárkilendi. Tapanshada qosymsha 9 millimetr atýǵa arnalǵan qoldan jasalǵan aýystyrylatyn uńǵy bolǵan.
IJ-18 kesilgen sholaq myltyq, onyń ishinde tiisinshe 5.45, 7.62 jáne 9 millimetr kalibrli 450-den astam mólsherde oq-dáriler tárkilendi. Sot-meditsinalyq saraptama qorytyndysyna sáikes, tárkilengen barlyq qarý atýǵa tolyq jaramdy.
47 jastaǵy er adamǵa qatysty Qylmystyq kodekstiń 287-babynyń 3-bóligi boiynsha sotqa deiingi tergeý bastaldy, onyń sanktsiiasy bes jylǵa deiin bas bostandyǵynan aiyrý jazasyn qarastyrady.
Qazirgi ýaqytta bul azamattyń bul qarýdy qandai maqsatta saqtaǵany jáne onyń buryn qylmys jasaý kezinde paidalanylǵany anyqtalyp jatyr.
