شىعىس قازاقستان وبلىسىنىڭ پوليتسەيلەرٸ ايماقتىق قىلمىستىق-اتقارۋ جٷيەسٸ دەپارتامەنتٸمەن بٸرلەسٸپ, ٶسكەمەن قالاسىنداعى گاراجداردىڭ بٸرٸندە قويماعا جاسىرىلعان قارۋ-جاراق ارسەنالىن انىقتادى, - دەپ حابارلايدى Tengrinews.kz تٸلشٸسٸ شقو ٸٸد باسپاسٶز قىزمەتٸنە سٸلتەمە جاساپ.
مەلٸمەت بويىنشا, تٸنتۋ كەزٸندە كاليبرلٸ 7,62 ميلليمەترلٸك تت ماركالى جاۋىنگەرلٸك تاپانشا تەركٸلەندٸ. تاپانشادا قوسىمشا 9 ميلليمەتر اتۋعا ارنالعان قولدان جاسالعان اۋىستىرىلاتىن ۇڭعى بولعان.
يج-18 كەسٸلگەن شولاق مىلتىق, ونىڭ ٸشٸندە تيٸسٸنشە 5.45, 7.62 جەنە 9 ميلليمەتر كاليبرلٸ 450-دەن استام مٶلشەردە وق-دەرٸلەر تەركٸلەندٸ. سوت-مەديتسينالىق ساراپتاما قورىتىندىسىنا سەيكەس, تەركٸلەنگەن بارلىق قارۋ اتۋعا تولىق جارامدى.
47 جاستاعى ەر ادامعا قاتىستى قىلمىستىق كودەكستٸڭ 287-بابىنىڭ 3-بٶلٸگٸ بويىنشا سوتقا دەيٸنگٸ تەرگەۋ باستالدى, ونىڭ سانكتسيياسى بەس جىلعا دەيٸن باس بوستاندىعىنان ايىرۋ جازاسىن قاراستىرادى.
قازٸرگٸ ۋاقىتتا بۇل ازاماتتىڭ بۇل قارۋدى قانداي ماقساتتا ساقتاعانى جەنە ونىڭ بۇرىن قىلمىس جاساۋ كەزٸندە پايدالانىلعانى انىقتالىپ جاتىر.
