Óskemende bodi-massaj salonynyń zańsyz qyzmeti joiyldy, - dep habarlaidy "Ult aqparat" Polisia.kz saityna silteme jasap.
ShQO PD Uiymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizý barysynda Óskemen qalasyndaǵy salondardyń birinde jeńgetailyq deregin anyqtaǵan. Onda jumysshylar jalpy massajdy jeleý etip, bodi-massaj dep atalatyn erotikalyq sipattaǵy intimdik qyzmetter kórsetken. Qyzmet quny 15-20 myń teńge aralyǵynda bolǵan.
Atalǵan derek boiynsha 39 jastaǵy mekeme ákimshisi ustaldy, ol klientterdi internet-saittardyń kómegimen taýyp otyrǵan. Oqiǵa ornynan klienttiń ózine kórsetilgen intimdik qyzmeti úshin tólegen aqshasy tárkilegen.
Kúdiktige qatysty QR QK-niń 309-baby boiynsha qylmystyq is qozǵaldy. Osy bapqa sáikes áieldi múlkin tárkilei otyryp, bes jylǵa deiingi merzimge bas bostandyǵynan aiyrý túrindegi jaza kútip tur.
Onymen birge basqa qaladan jumys isteýge kelgen 18 ben 31 jas aralyǵyndaǵy salonnyń 4 qyzmetkeri de ustaldy. Tiisti saraptamalar taǵaiyndalyp jatyr.
