ٶسكەمەندە بودي-ماسساج سالونىنىڭ زاڭسىز قىزمەتٸ جويىلدى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
شقو پد ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ بارىسىندا ٶسكەمەن قالاسىنداعى سالونداردىڭ بٸرٸندە جەڭگەتايلىق دەرەگٸن انىقتاعان. وندا جۇمىسشىلار جالپى ماسساجدى جەلەۋ ەتٸپ, بودي-ماسساج دەپ اتالاتىن ەروتيكالىق سيپاتتاعى ينتيمدٸك قىزمەتتەر كٶرسەتكەن. قىزمەت قۇنى 15-20 مىڭ تەڭگە ارالىعىندا بولعان.
اتالعان دەرەك بويىنشا 39 جاستاعى مەكەمە ەكٸمشٸسٸ ۇستالدى, ول كليەنتتەردٸ ينتەرنەت-سايتتاردىڭ كٶمەگٸمەن تاۋىپ وتىرعان. وقيعا ورنىنان كليەنتتٸڭ ٶزٸنە كٶرسەتٸلگەن ينتيمدٸك قىزمەتٸ ٷشٸن تٶلەگەن اقشاسى تەركٸلەگەن.
كٷدٸكتٸگە قاتىستى قر قك-نٸڭ 309-بابى بويىنشا قىلمىستىق ٸس قوزعالدى. وسى باپقا سەيكەس ەيەلدٸ مٷلكٸن تەركٸلەي وتىرىپ, بەس جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازا كٷتٸپ تۇر.
ونىمەن بٸرگە باسقا قالادان جۇمىس ٸستەۋگە كەلگەن 18 بەن 31 جاس ارالىعىنداعى سالوننىڭ 4 قىزمەتكەرٸ دە ۇستالدى. تيٸستٸ ساراپتامالار تاعايىندالىپ جاتىر.
