Óskemende bala kútýshisi búldirshinderdi aiaýsyz sabaǵan. Taiaq jegen eki jasar uldyń anasy balabaqsha qyzmetkeriniń áreketi kameraǵa túsip qalǵanyn aitady dep málimdeidi Eýraziia birinshi arnasy.
Jaǵa ustatarlyq videony kórý Aiiaǵa ońaiǵa soqpady. Tipti, «bala kútýshiniń jalǵyz ulyn emes, birneshe balany birinen soń birin sabaǵanyn kórgende, ózimdi áreń ustadym» deidi. Videoda ol bir sábidi jerge laqtyrsa, ekinshisin oiynshyqpen uryp jatqanyn baiqaýǵa bolady
«Uiyqtar aldynda ulymdy shomyldyryp jatyp, onyń denesinde jaraqattardy baiqadym. Balamnan ne boldy dep suradym. Ol maǵan «apai» dep jaýap qaitardy. Balabaqshaǵa baryp, videony talap ettim. Árine, barlyq videony qolyma túsirý ońai bolmady. Áreń degende aldym» – deidi qala turǵyny Aiia.
Perzentine alańdaǵan ana mekeme meńgerýshisiniń jaýabyna ashynady. Aitýynsha, olar bala kútýshisin jaýapqa tartýdyń ornyna, eshqandai shara qoldanbapty. Kerisinshe «bizde ázir durys maman joq, sondyqtan da ony jumystan shyǵara almaimyz» dep jaýap qaitarǵan.
«Men ony jumystan bosatatynyna senimdi boldym. Alaida, biz birneshe adamdy buǵan deiin jumystan shyǵardyq. Qazir jańa kadr izdep tabý qiyn, olardy úiretý de ońai emes. Keshirińiz, biz onymen sóilestik. Biraq ony jumysta qaldyramyz dep áńgimesin qaiyrdy. Men ulymdy alyp kettim, al balabaqshada qalǵan balalarǵa obal» – deidi qala turǵyny Aiia.
Balabaqshada balalardyń jábir kórgenin estigen ózge ata-analar da prokýratýra men politsiiaǵa shaǵymdanypty. Tipti, bilim deparatmentine hat jazyp, arnaiy komissiia qurýyn talap etken. Al bilim oshaǵyndaǵy bassyzdyq jaily bilim basqarmasy habardar. Aitýlarynsha, balabaqsha qyzmetkeri jumystan bosatylypty.
«Balabaqsha meńgerýshisimen tildestik. Ózimizdiń qyzmettik tekseris jumystaryn júrgizdik. Bala kútishisin arnaiy bappen jumystan shyǵardyq. Iaǵni ol aldaǵy ýaqytta mektepke deiingi mekemelerde qyzmet ete almaidy» – deidi qalalyq bilim departamenti basshysynyń orynbasary Dmitrii Jýravlev.
