- Boris Aleksandrov atyndaǵy sport saraiynyń ǵimaratyn jańǵyrtqan kezde alǵash ret eń zamanaýi materialdar qoldanyldy. Qazir foiesi men ǵimarat syrtyn jóndeýdiń birinshi kezeńi aiaqtaldy.
Jergilikti qurylys tarihynda alǵash ret energiia únemdeitin, qasbet jamylǵysynyń jańa túri - eýro standarttyń qaýipsiz shynysy paidalanyldy. Shynynyń jańa túri kúnniń kózi men jylý ótkizip, ýltrakúlgin sáýleni joiady, jazda salqyndyqty, qysta jylylyqty saqtaidy.
Foie ǵimaratynyń jalpy alańyn keńeitý esebinen sporttyq qurylys 18,5 metrge deiin keńeitildi, ǵimarat biiktigi ulǵaityldy, jaryq ári keń bola tústi. Bul shaǵyn dámhanany, demalys aimaǵyn, balalar úshin oiyn alańyn ornalastyrýǵa múmkindik beredi. Ekinshi qabatta dárethana bólmeleri paida boldy. Ǵimarat pandýstarmen jaraqtalǵan. Jumystar 10 qyrkúiekte aiaqtalady dep josparlanýda, dep habarlady óńir ákimi D. Ahmetov jumys alańyn qaraý barysynda.
Kelesi jyly kóktemde kórermen zalyn jóndeý bastalady. Minberdegi oryndar sany 4400-den 5500-ge deiin ulǵaitylmaq.
Óńirdiń basty sport ǵimaratyn jańǵyrtýǵa qansha qarajat salynady degen «QazAqparat» HAA tilshisiniń suraǵyna Danial Ahmetov bul suraqty jobany qarjylandyryp otyrǵan eki kásiporyn - «Qaztsink» pen «Kazminerals» basshylyǵynan suraý qajettigin aitty.
«Biznes halyq aldynda áleýmettik jaýapty bolýy tiis dep sanaimyn jáne ónerkásipshilerdiń bul qadamyn qoldaimyn», - dep atap ótti D. Ahmetov.
QazAqparat
