Óskemen qalasynda 4 jaiaý júrginshini kólik qaǵyp ketti, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, jol-kólik oqiǵasy keshe túnde 19-shaǵyn aýdanyndaǵy Esenberlin dańǵylynda bolǵan. 19 jastaǵy úsh jáne 18 jastaǵy bir jigit túrli dene jaraqattarmen birinshi qalalyq aýrýhanaǵa jetkizildi.
«Anyqtalǵandai, Qazybek bi dańǵylynan Esenberlin dańǵylyna qarai júrip kele jatqan Audi avtokóliginiń 18 jastaǵy júrgizýshisi 4 jaiaý júrginshini qaqqan. Er adam óz kinásin moiyndap otyr. Onyń kóligi aiyp turaǵyna jetkizildi», - delingen habarlamada.
Qazirgi ýaqytta atalǵan fakti boiynsha QR Qylmystyq kodeksiniń 345-baby 2-bóligimen sotqa deiingi tergeý amaldary júrgizilip jatyr. Kólik júrgizýshisi 3 jylǵa deiin bas bostandyǵynan aiyrylýy múmkin.
