Óskemen ákimi Qýat Tumabaev Ridderde jol apatynan qaza tapqan adamnyń isiniń figýranty boldy. Qala ákiminiń baspasóz qyzmetiniń málimetinshe, ol oqiǵanyń kezdeisoq kýágeri bolǵan, - dep habarlaidy KTK arnasy.
Aita keteiik, BMW H5 júrgizýshisi Ridder qalasynda 19 jastaǵy Viktor Smolnikovty qaǵyp óltirdi. Tekserý barysynda BMW H5 júrgizýshisi 45 jastaǵy er adamnyń kólikti mas kúide júrgizgeni jáne ol Ridder qalasy ákiminiń orynbasary ekeni anyqtaldy. Ol ustaldy jáne ýaqytsha ustaý izoliatoryna qamaldy. Politsiia tergeý júrgizip jatyr.
Sonymen qatar, qaitys bolǵan jigittiń týystary jigitti qaqqan kólik ishinde Óskemen qalasynyń ákimi bolǵanyn aitady. Qýat Tumabaev qandai da bir pikir bildirýden bas tartty. Alaida onyń baspasóz qyzmeti ákimniń jol-kólik oqiǵasy bolǵan jerde kezdeisoq júrgenin aitty. "Ol kezdeisoq jol apatynyń kýágeri boldy. Jedel járdem shaqyryp, kýáger retinde Ridder AIIB qyzmetkerine oqiǵanyń qalai bolǵanyn aityp bergen. Odan is materialdaryn jariialamaý týraly qolhat alynǵan", - dedi Óskemen ákimi baspasóz qyzmetiniń ókili Ásem Qairatbek.
Aita keteiik, osyǵan deiin Viktor Smolnikovtyń ákesi Ridder ákimi orynbasarynyń kólik júrgizgen sátinde túsirildi degen video usyndy. Sondai-aq balanyń ákesi júrgizýshi ustalǵannan keiin, jolaýshy osy avtokólikpen oqiǵa ornynan ketip qalǵan. Keiinirek videoda kólikti oqiǵa ornyna qaityp alyp kelgeni bar, alaida kólikti joldyń arǵy betine qoiǵan.
