Aldaǵy kezekten tys Prezident sailaýyn ótkizýge 20,5 milliard teńge qajet. Bul týraly Ortalyq sailaý komissiiasynyń múshesi Sabila Mustafina málimdedi, dep habarlaidy Sputnik Qazaqstan.
"Biz qarjy ministrligine sailaý naýqanyna jumsalatyn shyǵyndardyń smetasyn usyndyq. Onyń mólsheri – 20,5 milliard teńge. Qazir bul másele talqylanyp jatyr. Smetanyń kóptigi, eń aldymen, eńbekaqy tóleý qorymen bailanysty", - dedi Mustafina brifingte.
Aitýynsha, Úkimetten suralyp otyrǵan aqsha, sondai-aq jaramsyz ýrnalardy aýystyrýǵa, biýletten ázirleýge jumsalady.
Máselen, 2019 jyly bir biýlletendi ázirleýge 11 teńge jumsalsa, qazirgi esepteýler boiynsha onyń quny 22 teńgege deiin artqan.
Sondai-aq biyl OSK tiisti sanattaǵy azamattar úshin Brail shrifti bar trafaretter ázirleýdi josparlap otyr. Ol árbir sailaý ýchaskesinde bolady.
Budan bólek, Qazaqstannyń Syrtqy ister ministrligi de 105 million teńgege ótinim bergen. Bul aqshaǵa ministrlik qyzmetkerleri shet elderdegi qazirgi esepteýler boiynsha 69 sailaý ýchaskesine biýlletenderdi jetkizedi.
"Bul kezekten tys sailaý bolǵandyqtan, Úkimet sailaýǵa rezervten aqsha bólý týraly sheshim qabyldaidy. Biz, eń aldymen, smetany Qarjy ministrliginde qorǵaimyz, keiin protsedýralyq tártippen basqa múddeli ministrliktermen kelisemiz", - dep túsindirdi Mustafina.
Biyl kezekten tys Prezident sailaýy 20 qarashada ótedi. Prezidentikke kandidattar usyný erteń, 23 qyrkúiekte bastalady.
